+21 °С
Болытлы
Мәгариф
17 ноябрь 2022, 13:10
"Безнең Акмулла" мәгърифәтчеләр мәктәбе яшь талантларны җыйды
М. Акмулла исемендәге Башкорт дәүләт педагогия университетында яңа проектның презентациясе үтте.
"Безнең Акмулла" мәгърифәтчеләр мәктәбе яшь талантларны җыйды
“Безнең Акмулла" мәгърифәтчеләр мәктәбен” тәкъдим иттеләр. Проектның максаты — Башкортстан студент яшьләре арасында мәгърифәтчелек һәм гуманизм идеяләрен популярлаштыру, башкорт телендә язучы яшь шагыйрьләр һәм прозаикларга ярдәм күрсәтү. Бу эш Башкорт теле һәм әдәбияты кафедрасы укытучысы, Көнчыгыш телләре үзәге җитәкчесе Айтуган Куланчин җитәкчелегендә башкарыла, проект командасын башкорт филологиясе факультеты студентлары һәм аспирантлары төзегән. Остазлары — башкорт филологиясе факультеты деканы Ләйлә Хөсәенова һәм югары уку йортының Тәрбия эше һәм яшьләр сәясәте буенча департаменты директоры вазыйфаларын башкаручы Вилдан Исәнгилдин.
Мәгърифәтчеләр мәктәбенә талантлы яшьләр җыела, әсәрләр иҗат итә, каләм осталарыннан тәҗрибә ала. Биредә яшь шагыйрьләр һәм язучылар өчен шигърият кичәләре һәм осталык дәресләре уза.
Проектны тормышка ашыру барышында анда катнашучылар Мифтахетдин Акмулланың тормышы һәм иҗаты белән бәйле урыннарда экскурсияләрдә булды, танылган Акмулла белгечләре, М.Акмулла премиясе лауреатлары «алтын лекцияләр» н тыңлады. Болар барысы да студентларга танылган мәгърифәтче биографиясенең һәм иҗатының төрле яклары белән якыннанрак танышырга мөмкинлек бирде. Язучылар берлеге рәисе Зәки Алибаев һәм яшь шагыйрә Айгөл Габитовадан яшь шагыйрьләр һәм прозаиклар өчен осталык дәресләре үткәрде.
“Тулкын” башкорт филологиясе факультеты студентларының әдәби түгәрәге әгъзалары әсәрләре җыентыгы басылып чыккан.
Шулай ук проект кысаларында «Тулкын» республика иҗат эшләре конкурсы үткәрелгән. Әдәби бәйгедә 58 кеше катнашкан. Иң яхшы эшләр "Шоңкар" яшьләр журналы битләрендә басылачак.
Фото: БДПУның матбугат хезмәте.
