Яңа уку йорты башкалардан аерылып торачак

Уфа Фән һәм технологияләр университеты үзенең фирма стилен булдыра. Төбәкнең иң бай тарихлы һәм гасырлык традицияләре булган әйдәп баручы ике югары уку йортын берләштергән бүгенге югары уку йорты хәзер фән, мәгариф һәм инновацияләрнең иң зур үзәге булып тора. Димәк, киләчәк университетының заманча, динамик һәм респектабельле дизайны булырга, ул күппрофильлелекне, академик һәм ачыклыкны чагылдырырга тиеш.

Университет диварларында югары уку йортының яңа брендбугын һәм фирма стилен тәкъдир итүгә багышланган матбугат конференциясе узды. Чарада катнашучыларны республика Башлыгының фән мәсьәләләре буенча киңәшчесе Руслан Казыйханов сәламләде.

- Бүген югары уку йорты тормышында мөһим вакыйга - республиканың эре университетының корпоратив мәдәнияте билгеләнә. Ышанам, Уфа университеты бренды төбәкнең һәм илнең мәгариф даирәләрендә киң билгелелек алачак, - диде ул.

Илнең әйдәп баручы "ENDY" брендинг агентлыгы хезмәткәрләре Уфа Фән һәм технологияләр университеты бренды һәм айдентикасы концепциясен тәкъдим итте. "Киләчәк университеты" образы нигезенә дүрт төп платформа салынган иде. Алар:
заманча визионерлык һәм уңай фикерләү үрнәге буларак, «Иң яхшы киләчәкне булдыру» слоганы;
югары уку йортын академик традицияләр, инновацияләр һәм технологияләр белән ярашкан иң зур фәнни-белем бирү үзәге буларак таныту;
университетның синергиядә эшләүче кешеләр иң яхшы киләчәк өчен яңа технологияләр уйлап табу мохитен тудыручы буларак миссиясе;
брендның кыйммәтләре: толерантлык, кешенең үсеше, үзгәрешләргә әзерлек, партнерлык һәм хезмәттәшлек.

Яңа лаконик логотип үз эченә "У" хәрефен ала, ул үзәктән киңәя баручы ике яссылыктан тора, бу киләчәккә даими һәм тиз үсү турында сөйли. Бренд экосистемасының төп фирма төсе шәмәхә төс белән билгеләнде.

Иң мөһиме - брендбукны сайлау һәм концепциясе буенча карар коллегиаль кабул ителде. Өч ай дәвамында сораштыру үткәрелде, анда Уфа университеты укытучылары, хезмәткәрләре һәм студентлары катнашты. Ике меңнән артык кеше үз фикерен һәм теләкләрен белдерде. Беренче курс студентларының (сораштырылучыларның 40 проценттан артыгы) аеруча активлык күрсәтүе сөендерә. Респондентларның 70 проценттан артыгы тәкъдим ителгән концепт өчен үз тавышларын бирде.