Вузара студентлар кампусын төзү ничек бара?

Министрлар кабинеты башлыгы белдерүенчә, проектның беренче чираты ("IQ-парк") шушы елның декабрендә файдалануга тапшырылырга тиеш, икенчесе - 2025 ел ахырында.

- Сроклар үзгәрешсез калырга тиеш. Безнең уртак бурычыбыз - эшләрне график нигезендә тәмамлау өчен барысын да эшләү. Шуңа күрә эшкә җәлеп ителгән барлык катнашучылар йөкләмәләрне мөмкин кадәр тиз башкарырга һәм атна саен бу турыда хисап тотарга тиеш, - дип ассызыклады Андрей Назаров.

Премьер-министр җир-милек мөнәсәбәтләрен рәсмиләштерү һәм проект документациясен корректировкалау белән бәйле барлык мәсьәләләрне кыска вакыт эчендә тәмамлау бурычын куйды.

- Киләсе атнада ремонт эшләрен дәвам итү өчен IQ-паркның ахыргы концепциясен расларга кирәк. Өстәвенә, бүлмәләрнең урнашуын гына түгел, аларда җиһазлар урнаштыруны да билгеләргә, - диде Андрей Назаров.

Киңәшмә алдыннан Башкортстан Хөкүмәте Рәисе Уфа үзәгендә IQ-паркны реконструкцияләү эшләренең барышын тикшерде.

Ведомстволар җитәкчеләре, югары уку йортлары һәм кызыксынган оешмалар вәкилләре белән бергә Андрей Назаров бинаның барлык катларын карады, тәкъдим ителгән IQ-паркның проект карарлары белән танышты. Яңа концепция һәм бинаның функциональ эчтәлеге нигезендә проектны оптимальләштерү вариантлары каралды.

Тикшерү тәмамланганда Андрей Назаров архитектура-дизайн проектын эшләп бетерергә, аны функциональ тулыландыру белән тоташтырып, шулай ук сәнәгать-индустриаль партнерлар пулын һәм төзелеш вакытын сузмас өчен подрядчылар белән эшләү системасын билгеләргә кушты.