Төзелеш 2025 елда тәмамланырга тиеш

Башкортстан Хөкүмәте Премьер-министры Андрей Назаров Уфада дөнья дәрәҗәсендәге Евразия фәнни-мәгариф үзәге югары уку йортлары арасында кампус төзү буенча күчмә киңәшмә үткәрде.

Андрей Назаров ведомстволар җитәкчеләре, ректорлар һәм кызыксынучы оешмалар вәкилләре белән бергә IQ паркы бинасы буенча проектны карады. Министрлар Кабинеты җитәкчесенә парад баскычының натураль зурлыкта башкарылган макетын күрсәттеләр. Шулай ук җыелучылар эскалаторлар кую мәсьәләсе буенча да фикер алышты. Шул исәптән, икенче чират мәйданчыгы тикшерелде.

- Бөтен бу территория - ул гаммәви иҗтимагый киңлекләр, алар, һичшиксез, кампус хезмәткәрләренә генә түгел, шәһәрнең барлык халкына да мөмкин булачак, - дип билгеләде Премьер-министр.

Аннары Андрей Назаров җитәкчелегендәге делегация катлар буйлап узды һәм киңәшмәнең төп өлеше узган катларның берсендә тукталды. Башкортстан Хөкүмәте рәисе проектны шактый кыска вакыт эчендә тормышка ашыру күздә тотылуын, ә беренче чират агымдагы елның декабрендә эшләтеп җибәреләчәген искәртте.

- Беренче чират бинасының үз ишеге бар һәм аның эшчәнлеге зур төзелешкә берничек тә комачауламаячак, ул кампус мәйданчыгында шул бина артында ачылачак. Дөресен әйткәндә, кампусны без шактый кыска вакыт эчендә төзергә планлаштырабыз - 2025 елның декабрендә ул файдалануга тапшырылачак. Төзелеш эшчәнлеге беренче чират объектларының фәнни-белем бирү эшчәнлегенә берничек тә йогынты ясамаслык итеп кабул ителә, - диде Министрлар кабинеты җитәкчесе.

Өстәл артында шулай ук лабораторияләр һәм җиһазлар урнаштыруга бәйле мәсьәләләр турында фикер алыштылар. Бу тема буенча докладларны Уфа фән һәм технологияләр университеты, Башкорт медицина дәүләт университеты һәм Уфа дәүләт нефть техник университеты ректорлары тәкъдим итте.