Сәләтле буын үсә!

Сменаны балалар һәм яшьләрнең Бөтенрусия “Беренчеләр хәрәкәте” иҗтимагый-дәүләт хәрәкәтенең Башкортстан төбәк бүлеге оештыра. Сменаның максаты: хәрәкәттә актив катнашучыларны ачыклау һәм аларга ярдәм итү, яшүсмерләр арасында хәрәкәтнең миссиясен һәм кыйммәтләрен популярлаштыру.

Күпчелек балалар өчен смена әлеге хәрәкәт белән танышуның беренче тәҗрибәсе булды: болар - катнашучыларны оешма эшчәнлегенең эчтәлеге белән таныштыру, шулай ук үз-үзеңне һәм командаңны үстерү. Сменада республиканың 63 муниципаль берәмлегеннән 100дән артык гомуми белем бирү оешмасы катнаша.

Сменаның уникальлеге - катнашучылар арасында үзидарә программасы. Үз эшен балаларның инициатив төркеме башкара, аңа барлык отрядлардан балалар керә. Балалар мөстәкыйль рәвештә көн саен чаралар һәм оештыру җыеннары үткәрде, фикер алышты, үз отрядларының хокукларын яклады.

Башкортстан Республикасы Башлыгының балалар һәм яшьләр иҗтимагый оешмалары белән хезмәттәшлек мәсьәләләре буенча киңәшчесе, төбәк бүлеге советы рәисе Ранис Хәсәнов әйтүенчә, “Беренчеләр хәрәкәте"нең төбәк сменасы - балалар өчен үз-үзеңне күрсәтү, яңа элемтәләр урнаштыру, командада эшләргә өйрәнү өчен менә дигән мөмкинлек ул.