+20 °С
Болытлы
Мәгариф
12 сентябрь 2023, 16:35
Мәктәпләрдә буллингка каршы ничек көрәшәләр?
Бүген “Башинформ” мәгълүмат агентлыгы мәйданчыгында бу мәсьәләгә багышланган матбугат конференциясе узды.
Мәктәпләрдә буллингка каршы ничек көрәшәләр?
Бүген, 12 сентябрьдә, “Башинформ” мәгълүмат агентлыгы мәйданчыгында мәктәпләрдә буллингның чагылышы темасына Башкортстан мәгариф һәм фән министры Айбулат Хаҗинның матбугат конференциясе узды. Фикер алышуда шулай ук Башкортстан Хөкүмәте аппаратының балигъ булмаганнар эшләре буенча бүлеге җитәкчесе Илмир Ганиев, Бала хокуклары буенча вәкаләтле вәкил Ольга Панчихина, мәгариф һәм фән министрлыгының штаттан тыш баш педагог-психологы Лилия Халикова һәм “Мәгълүмати технологиялә үзәге” җәмгыятенең эшкәртү буенча директоры Сергей Титов катнашты.
Айбулат Хаҗин билгеләп үткәнчә, мәктәпләрдә эзәрлекләү проблемасы һәрвакытта да булган һәм безнең көннәрдә аның актуальлеге кимеми.
"Ел саен Мәгариф министрлыгының “кайнар линия”сенә балаларны эзәрлекләү, җәберләү очраклары турында шалтыратулар һәм сигналлар килә. Узган елда 15 шундый очрак ачыкланган, быел инде — 9 очрак, — дип белдерде ведомство җитәкчесе. — Кагыйдә буларак, буллинг очрагын ачыклаганда, без урынга чыгып, хәлне район хакимияте, психологлар, социаль яклау органнары һәм балигъ булмаганнар эшләре буенча инспекторлар белән бергә җентекләп тикшерәбез”.
Министр буллинг проблемасының буш урында барлыкка килмәвенә игътибар итте. Буллингны берничек тә кабул итмәүнең максатчан сәясәте булган мәктәпләрдә, шул исәптән хәзерге вакытта яшьләр арасында актив таралучы кибербуллингны да, мондый хәлләр күзәтелми.
"Әгәр мәктәп хакимияте, сыйныф җитәкчеләре, педагог-психолог балаларны балалар, ата-аналар, шул исәптән баланы педагог тарафыннан эзәрлекләүнең теләсә нинди очракларын туктатырга омтыла икән, мондый күренеш үсеш ала алмый. Шуңа бәйле рәвештә безнең белгечләр тарафыннан мәгариф оешмаларында җәберләү очракларын ачыклау һәм карау буенча алгоритмик карарлар эшләнде. Ул нәкъ менә педагогик берләшмә һәм мәгариф учреждениеләре тарафыннан кулланылу өчен исәпләнгән. Бүген бу алгоритмны мондый очраклар белән көрәшүче һәр психолог-педагог, шулай ук тәрбия эше буенча директор киңәшчеләре белә, без аларга балалар арасындагы конфликтларны хәл итү вәкаләтләрен дә бирдек. Бу эшне без киңәшчеләрнең вазыйфаларына керттек. Мәктәпләрдә буллингны кисәтү һәм профилактикалау буенча барлык методик киңәшләр бар”, — дип сөйләде Айбулат Хаҗин.
Тулырак "Кызыл таң"ның алдагы саннарында укыгыз.
Фото: "Башинформ"
Айбулат Хаҗин билгеләп үткәнчә, мәктәпләрдә эзәрлекләү проблемасы һәрвакытта да булган һәм безнең көннәрдә аның актуальлеге кимеми.
"Ел саен Мәгариф министрлыгының “кайнар линия”сенә балаларны эзәрлекләү, җәберләү очраклары турында шалтыратулар һәм сигналлар килә. Узган елда 15 шундый очрак ачыкланган, быел инде — 9 очрак, — дип белдерде ведомство җитәкчесе. — Кагыйдә буларак, буллинг очрагын ачыклаганда, без урынга чыгып, хәлне район хакимияте, психологлар, социаль яклау органнары һәм балигъ булмаганнар эшләре буенча инспекторлар белән бергә җентекләп тикшерәбез”.
Министр буллинг проблемасының буш урында барлыкка килмәвенә игътибар итте. Буллингны берничек тә кабул итмәүнең максатчан сәясәте булган мәктәпләрдә, шул исәптән хәзерге вакытта яшьләр арасында актив таралучы кибербуллингны да, мондый хәлләр күзәтелми.
"Әгәр мәктәп хакимияте, сыйныф җитәкчеләре, педагог-психолог балаларны балалар, ата-аналар, шул исәптән баланы педагог тарафыннан эзәрлекләүнең теләсә нинди очракларын туктатырга омтыла икән, мондый күренеш үсеш ала алмый. Шуңа бәйле рәвештә безнең белгечләр тарафыннан мәгариф оешмаларында җәберләү очракларын ачыклау һәм карау буенча алгоритмик карарлар эшләнде. Ул нәкъ менә педагогик берләшмә һәм мәгариф учреждениеләре тарафыннан кулланылу өчен исәпләнгән. Бүген бу алгоритмны мондый очраклар белән көрәшүче һәр психолог-педагог, шулай ук тәрбия эше буенча директор киңәшчеләре белә, без аларга балалар арасындагы конфликтларны хәл итү вәкаләтләрен дә бирдек. Бу эшне без киңәшчеләрнең вазыйфаларына керттек. Мәктәпләрдә буллингны кисәтү һәм профилактикалау буенча барлык методик киңәшләр бар”, — дип сөйләде Айбулат Хаҗин.
Тулырак "Кызыл таң"ның алдагы саннарында укыгыз.
Фото: "Башинформ"
