Югары уку йортларында дефицит белгечлекләр буенча уку механизмын киңәйтү мөһим

Сораштыру Башкортстанның инвестиция порталында үткәрелде. Анкета ахырында эшкуарлар Башкортстан территориясендә хезмәт ресурсларының уңайлылыгын яхшырту буенча үз тәкъдимнәрен калдыра алды.

Аерым алганда, эш бирүчеләр югары уку йортларында дефицит белгечлекләр буенча максатчан укыту механизмын куллану практикасын киңәйтергә тәкъдим иттеләр.

- Бу елның гыйнвар-сентябрь айларында сорашып белешү нәтиҗәләре буенча республикабызның хезмәт ресурслары турында бирелгән мәгълүматның тулылыгын сораштырылучыларның 64 проценты уңай бәяләде. Респондентларның 58 проценты табылган хезмәт ресурсларының профессиональлегенә югары бәя бирде, 65 проценты урындагы хакимият органнары (мәшгульлек үзәкләре) тарафыннан хезмәт ресурслары буенча башкарылган эшләргә уңай бәя бирде. Кадрларны сайлаганда төп проблемалар дип бизнес эзләүчеләрдә таләп ителә торган квалификация һәм белем булмау, кандидатлар тарафыннан эшләүдә кызыксыну булмау, 90нчы еллардагы "демографик чокыр" дип ачыкланды. Квалификацияле хезмәт ресурсларыннан файдалана алуны яхшырту өчен, онлайн-сораштыруда катнашучылар уку йортларын һәм махсус урта уку йортларын тәмамлаучыларны предприятиеләргә бүлү практикасын яңартырга; авылда эшләүче яшь белгечләргә торак, субсидия яки ташламалар бирергә; югары уку йортларында дефицит белгечлекләре буенча максатчан укыту механизмын куллану практикасын киңәйтергә, белем бирүче уку йортларында бюджет урыннары санын арттырырга тәкъдим иттеләр, - дип белдерде республикасының гаилә, хезмәт һәм халыкны социаль яклау министры Ленара Иванова.