Башкортстанга чит ил студентлары бик теләп килә

Башкортстанда биш тапкыр күбрәк чит ил һәм чит төбәк студентлары укыячак. Аларның саны, 22 ноябрьдән 1 декабрьгә кадәр Уфада узучы XVI Халыкара бизнес атнасындагы Евразия халыклары ассамблеясе экспертлары фаразлавынча, 2030 елга 52 меңнән дә ким булмаячак.

Эшлекле иртәнге аш эшендә республика хакимият органнары вәкилләре, эксперт-политологлар, Ассамблея вәкиллегенең Иҗтимагый советы әгъзалары, Италия, Төркия, Конго, Шри-Ланка, Куба, Ангола, Чад, Мисыр, Йәмән, Колумбия, Һиндстан, Казахстан, Үзбәкстан, Төркмәнстан, Кытайның әйдәп баручы югары уку йортлары ректораты һәм студентлары катнашты. Мәйданчыкның модераторы булып Ассамблея вәкиллегенең Иҗтимагый советы рәисе урынбасары Руслан Кинҗәкәев чыгыш ясады.

— Башкортстанда ел саен югары уку йортларында белем алучы чит ил студентлары санының тотрыклы үсеше теркәлә (2020-21 уку елында - 5,5 мең кеше, 2023-24 елда 10 мең кеше). Мондый динамика Башкортстан югары уку йортларының югары сыйфатлы белем бирүне тәкъдим итүен күрсәтә, бу дөнья рейтинглары белән раслана. Республика югары уку йортларын тәмамлаучылар үз илләрендә югары постлар били һәм безнең дусларыбыз булып кала. Күп кенә студентлар уйлап табу, уку һәм эшләү өчен Башкортстанда кала. Соңгы өч елда республика компанияләре 2 меңнән артык чит ил студентын кабул итте, - дип сөйләде, чараны ачып, Башкортстанның тышкы икътисади элемтәләр һәм конгресс эшчәнлеге министры Маргарита Болычева.

Башкортстан мәгариф һәм фән министры Илдар Мәүлетбирдин сүзләренчә, дөнья дәрәҗәсендәге Евразия фәнни-белем бирү үзәгенең югары уку йортлары кампусын булдыру чит ил һәм чит төбәк студентларын Башкортстанга тагын да күбрәк җәлеп итү өчен көчле стимул булачак.

Тарихчы, политолог, Башкортстан Республикасының атказанган фән хезмәткәре Сергей Лаврентьев фикеренчә, республика һәм ил вузларында чит ил студентлары санының артуы - глобальләшү нәтиҗәсе.

Фото: ibw-bashkortostn.com