"Бәйрәм белән, безнең кадерле студентларыбыз..."

Институт директоры вазыйфаларын башкаручы Илмар Әлмөхәммәтов шәһәрнең Совет мәйданы янында урнашкан уку йорты 1968 елда ачылганын сөйләде. Бүген югары уку йорты 33 юнәлеш буенча белгечләр әзерли. Биредә 600дән артык кеше көндезге һәм читтән тору бүлекләрендә белем ала.

Ел саен институт студентлары төрле дәрәҗәле иҗади чараларда катнашалар, халыкара, бөтенрусия һәм төбәк конкурсларында лауреатлар һәм дипломантлар исемнәрен яулыйлар. Ә югары уку йортының яшьләр симфоник оркестры соңгы елларда «Симфоник төн» масштаблы проектының төп катнашучыларының берсе булды.

Моннан тыш, республика җитәкчелеге ярдәме белән Уфа дәүләт сәнгать институты матди-техник базаны ныгыта һәм сәләтле яшьләр белән эшне камилләштерә.

Радий Хәбиров укытучылар коллективы һәм югары уку йорты студентлары белән аралашты. Башкортстан Башлыгы яңа керү төркеменең кызыклы дизайнын билгеләп үтте һәм республиканың һөнәри уку йортлары педагогларын һәм укучыларын Русия студентлары көне белән котлады.

- Уфа сәнгать институтына яңа керү төркеме урнаштырдылар. Ул гади, чүкеп ясалган түгел. Иң яхшы үзбәк осталары аны чикләвектән ясады. Шулай да, безнең герой, генерал-майор Минигали Шәйморатов һәйкәле урнаштырылган мәйдан янында. Һәм вузда безнең булачак элита укый. Шуңа күрә монда барысы да матур булырга тиеш, – диде Радий Хәбиров. - Бәйрәм белән, безнең кадерле студентларыбыз!