Уку кирәк!

Традиция буенча вуз - әлеге вакыйганың төп мәйданчыгы, дип хәбәр итә БДПУның матбугат хезмәте. Шулай ук бүгенге традиция буенча республиканың колледж һәм югары уку йортлары студентлары Башкортстан халыкларының туган телләрен өйрәнүгә бәйле уку һәм фәнни эшчәнлекләрендә югары нәтиҗәләр өчен Акмулла исемендәге стипендияләр ала.

Ундүрт кеше стипендиат булды. Аларга дипломнарны Башкортстан Республикасы Хөкүмәте Премьер-министрының беренче урынбасары вазыйфаларын башкаручы Урал Килсенбаев тапшырды.

"Башкорт телен камил белгән кеше тәрҗемәчесез төрекләр, казаклар, кыргызлар һәм үзбәкләр белән аралаша ала. Ә бүген дөнья инде көнчыгышка табан үсә. Һәм мин сезне туган телне данлавыгыз белән котлыйм. Без - күпмилләтле республика, соңгы биш елда төбәктә сигез полилингваль мәктәп һәм гимназия ачылды, аларда Башкортстан халыкларының башкорт, урыс һәм башка телләр өйрәнелә", – дип билгеләп үтте ул.

Чара азагында университет каршындагы мәйданда Мифтахетдин Акмулла һәйкәленә чәчәкләр салынды. Тантанада бүген Уфада эшен тәмамлаучы VI Бөтендөнья башкортлары корылтае делегатлары катнашты.

Фото: БДПУ матбугат хезмәте.