+2 °С
Болытлы
Барлык яңалыклар
Мәгариф
4 март 2025, 13:27
Укуыңны эшең белән түлә!
Русия Сәламәтлек саклау министрлыгының илдә халыкка медицина ярдәме күрсәтүне, гомумән, тармакны квалификацияле белгечләр белән тәэмин итүне яхшырту максатында “Мәгариф турында” Законга яңа тәкъдимнәр әзерләве мәгълүм булды. Аңа ярашлы, медицина югары уку йортларын, колледжларны тәмамлаучылар, әгәр бюджет исәбенә белем алган булса, дәүләт аларны укытуга тотынган акчаны хезмәте белән кире кайтарырга тиеш булачак. Аныграк итеп әйткәндә, дипломлы яшь белгечләр ОМС системасына караучы дәүләт һәм шәхси клиникаларда ике (колледж тәмамлаучылар) яисә өч ел (вуз тәмамлаучылар) эшләргә тиеш. Шул ук вакытта, яшь белгечләр кайсы төбәктә һәм медицина оешмасында эшләргә теләвен үзе сайлый алачак.
Укуыңны эшең белән түлә!
Шунысы да бар: уку йортын тәмамлаучылар эшкә ел дәвамында урнашырга тиеш. Әгәр бу таләпне үтәмәсә, яшь белгечкә аны укытуга тотынылган бюджет акчасын икеләтә күләмдә кайтарырга туры киләчәк.
Әлбәттә, законга әлеге өстәмәләр кертелүнең уңай яклары бар. Дәүләт акчасына югары белем алучы үз һөнәре буенча эшләргә, укуын дәүләткә хезмәте белән кайтарырга тиеш.
Новости партнеров