Уфада “Медиастарт” журналистика мәктәбе ачылды

Чарада УУНиТ ректоры Вадим Захаров чыгыш ясады. Ул, журналистика мәктәбенең әһәмиятен ассызыклап, бу проектның иҗади яшьләрне медиасферага җәлеп итү өчен зур мөмкинлек булуын билгеләп үтте.

– “Медиастарт” – заманча журналистика серләренә төшенү, белемне практика белән бергә үстерү өчен менә дигән мәйданчык. Ул студентлар өчен яңа мөмкинлекләр ача, – диде ректор.

Чараның махсус кунагы – “Башкортстан 24” телеканалының “Рөстәм Габбасов белән кичке шоу” проекты режиссеры Светлана Марваева студентлар белән тәҗрибә уртаклашты, телевидение кухнясының серләрен ачты. Очрашуда шулай ук “СМАРТ-ТВ” студиясе вәкилләре катнашты.

Журналистика мәктәбендә дәресләр аена ике тапкыр узачак. Алар университет студентларына гына түгел, мәктәп укучыларына һәм колледж студентларына да ачык булачак.

– Журналистика – ул һөнәр генә түгел, ул – тормыш рәвеше! Безнең мәктәп яңа идеяләр, кыю фикерләр һәм төгәл фактлар лабораториясе булыр дип ышанам, – диде факультет деканы Гөлфирә Абдуллина.

Проект регион яшьләре арасында зур кызыксыну уятты. Катнашучылар “Медиастарт” аларга журналистика нигезләрен үзләштерергә һәм һөнәри күнекмәләр алырга ярдәм итәчәк дип ышана.

Фото: УУНиТ матбугат хезмәте