Радий Хәбиров Дәүләт думасының Мәгариф буенча комитеты вәкилләре белән очрашты

Очрашуда Комитет рәисе Ирина Белых һәм Комитет әгъзасы Эльвира Аеткулова, шулай ук гражданнар җәмгыятен үстерү, иҗтимагый һәм дини берләшмәләр мәсьәләләре комитеты рәисе Яна Лантратова катнаштылар.

- Республикада сезне сәламләүгә шатмын. Дәүләт думасының мәгариф комитетының күчмә утырышын сез бездә үткәрәчәксез. Өстәвенә, сез бик мөһим теманы сайладыгыз. Урта һөнәри белем бирү системасын модернизацияләү - иң актуаль мәсьәләләрнең берсе. Без республикада бу өлкәдә җитди тәҗрибә тупладык, - диде Радий Хәбиров. - Бик яхшы, ниһаять, федераль дәрәҗәдә кайбер карарлар кабул иттелде. Бу беренче чиратта урта һөнәри белем бирү учреждениеләрен капиталь ремонтлау буенча Президент программасы. Без республикада шундый ук программаны өч ел элек тәкъдим иттек. Һәм аңлыйбыз, урта һөнәри белем бирү системасының матди-техник базасын ныгыту – Русия һәм Башкортстан икътисадын үстерү өчен төп бурыч.

- Республикада урта һөнәри белем бирү өчен ниләр эшләвегез - без һәрвакыт трибунадан әйткән үрнәк. Башкортстан бу максатларга җәлеп ителгән федераль акчалар саны буенча лидер гына түгел, ә аларны файдалануның нәтиҗәлелеген күрсәтте, - дип билгеләде Ирина Белых. - Бу күрсәткечләрне саклап калып, сез әле "Профессионалитет" программасын эшләтеп җибәргәнче үк колледж тулай тораклары белән дә шөгыльләнә башладыгыз.

Фото: glavarb.ru