"Әлифба"ның икенче сезоны старт алды

Мультфильм балаларын туган телгә өйрәтүче ата-аналар өчен, шулай ук балалар бакчаларында һәм мәктәпкәчә белем бирү учреждениеләрендә күрсәтү өчен булдырылды. Ул 60 бер минутлык серияне үз эченә ала, аларның һәркайсы «саннар» һәм «вакыт» темалары буенча бер сүзгә багышланган. Һәр серия өстендә, сценаристлар һәм рәссамнардан тыш, балалар психологлары, музыкантлар һәм башкорт теле укытучылары хезмәт куйган.

- Республика җитәкчелеге төбәктә креатив индустрияләрне үстерүгә зур игътибар бирә. Исегезгә төшерәм, 2030 елга иҗади индустрияләрнең Русия эчке тулаем продуктына керткән өлеше ким дигәндә 6%ка җитәргә тиеш. Һәм «Әлифба» кебек проектлар әлеге курсның дөреслеген күрсәтә. Бу сыйфатлы белем бирү контенты гына түгел, өлкәннәр дә, балалар да рәхәтләнеп караячак яхшы мультфильм да, – дип билгеләп үтте Башкортстан Хөкүмәте Премьер-министрының беренче урынбасары, төбәкнең икътисади үсеш һәм инвестицион сәясәт министры Рөстәм Моратов.

Мультфильм рәссам-карикатурист Камил Бузыкаев һәм Әмир Абдразаков исемендәге «Башкортостан» киностудиясе ярдәмендә «Муха» студиясе тарафыннан булдырылган. Ярты ел дәвамында «Әлифба: саннар һәм вакыт» проектының иҗади төркеме оригиналь сценарийлар, раскадровкалар һәм аниматиклар төзү белән шөгыльләнгән. Хәзерге вакытта проектның рәсми төркемендә якын арада бастырылачак тагын 4 серия әзер. Иҗатчылар билгеләп үткәнчә, иҗади күзлектән караганда, икенче сезон мультфильмнары фәкать хәрефләргә багышланган беренче этап чыгарылышларына караганда катлаулырак та, баерак та булачак.

- Балалар өчен дөнья катлаулана бара. Хәрефләрдән сүзләр, сүзләрдән җөмләләр төзелә. Шуңа күрә хәрефләрдән катлаулырак төшенчәләргә күчәргә вакыт. Сюжетлар бездә күпкә байрак булачак-ел фасыллары да үзгәрәчәк, тәүлек вакыты да, локацияләр дә киңрәк булачак, - дип аңлата «Муха» директоры Артур Абдрахманов.