-14 °С
Болытлы
Барлык яңалыклар
Мәгариф
19 гыйнвар , 09:07
Чанчжоу университеты белән уртак институт ачылды
Уфа фән һәм технологияләр университеты Чанчжоу университеты белән берлектә уртак Русия-Кытай институты (Joint Institute of Ufa Siversity of Science and Technology and Changzhou University) төзеделәр. КХР мәгариф министрлыгыннан уңай карар агымдагы ел башында алынган.
Чанчжоу университеты белән уртак институт ачылды
Уртак институт Кытай белән Русия арасында илкүләм стратегияләрне гамәлгә ашыру һәм хезмәттәшлекне тирәнәйтү мәйданчыгы булачак. Әзерлек программасы Цзянсу провинциясе һәм Башкортстанның мәгарифне үстерү таләпләренә туры киләчәк.
Русия һәм Кытай студентлары ике югары уку йортының әйдәп баручы галимнәреннән иң яхшы, иң алдынгы белемнәр ала алачак.
Уртак институтның төп бурычы - Азия-Тын океан төбәгендә ике илнең икътисади проектларын гамәлгә ашыру өчен кирәкле яшь белгечләр әзерләү, мәдәниятләр диалогын һәм Русия белән Кытай халыкларының үзара аңлашуын үстерү. Диплом программасына беренче тапкыр Кытай абитуриентлары өчен генә алыначак. Укуга 240 абитуриент кабул итү планлаштырыла. Лекцияләр һәм дәресләр уку планнары нигезендә УНиТ һәм Чанчжоу университеты укытучылары тарафыннан үткәреләчәк.
Чанчжоу университеты (Changzhou University) - КНРның Times Higher Education (THE), QS World University Rankings, Scimago Institutions Rankings, U.S. News Best Global Universities Rankings һәм башка дөнья рейтингларына керүче әйдәп баручы университет.
Фото: pravitelstvorb.ru
Новости партнеров