-14 °С
Болытлы
Барлык яңалыклар
Мәгариф
20 гыйнвар , 22:38
Уфада "Атом эретеп ябыштыру мәктәбе" ачылды
Кампус резиденты (Уфа дәүләт нефть техник университеты) «Росатом» дәүләт корпорациясе өчен дә, Русиянең башка сәнәгать предприятиеләре өчен дә атом тармагының югары стандартлары буенча эретеп ябыштыру технологияләре өлкәсендә белгечләр әзерләячәк. Киләчәктә УДНТУ күрше төбәкләрнең атом эретеп ябыштыру мәктәпләре өчен укытучылар әзерләү үзәге булачак.
Уфада "Атом эретеп ябыштыру мәктәбе" ачылды
Хәзер илнең төрле төбәкләрендә 14 атом эретеп ябыштыру мәктәбе эшли, УДНТУ базасындагы мәктәп 15 нче булачак. Әлеге статусны алу өчен уку йортының алга киткән матди-техник базасы һәм югары квалификацияле укытучылары булырга тиеш.
- Бу сәнәгать һәм һөнәри белем бирү системасы үсеше өчен мөһим вакыйга. Квалификацияле белгечләр әзерләү, бигрәк тә атом тармагының эретеп ябыштыру технологияләре кебек югары технологияле юнәлешләрдә, производстволарның тотрыклылыгына һәм көндәшлеккә сәләтлелегенә турыдан-туры йогынты ясый. Университет базасында заманча белем бирү мәйданчыгы булдыру ил предприятиеләрен кирәкле кадрлар белән тәэмин итәргә, ә киләчәктә компетенцияләр үзәген формалаштырырга мөмкинлек бирәчәк. Ул төбәк өчен генә түгел, ә күрше субъектлар өчен дә эшләячәк, - диде Башкортстан Хөкүмәте Премьер-министры урынбасары; сәнәгать, энергетика һәм инновацияләр министры Александр Шельдяев.
"Кызыл таң"ның да Telegram мессенджерында рәсми каналы бар. Кушылыгыз!
Каналга кушылыр өчен сылтама буенча үтегез: t.me/kiziltanufa
Фото: pravitelstvorb.ru
Новости партнеров