Металл белеме буенча заманча лаборатория ачылды

- Университетта шундый киңлек барлыкка килгәч, аңлыйсың: мәгариф теория генә булудан туктый. Монда студент металлның үзлекләре турында ишетеп кенә калмый, ә аның структурасын үз күзләре белән күрә, аның характерын аңлый ала. Бу - бик дулкынландыргыч һәм мөһим момент, чын кызыксыну, эш белән мавыгу туу. Нәкъ менә монда, әлеге җиһазлар һәм микроскоплар арасында, бүгенге студентларның кайсыдыр үз эшен табар һәм зур ачышка беренче адым ясар дип ышанасы килә, - диде Башкортстанның Фән һәм югары белем бирү буенча дәүләт комитеты рәисе Светлана Мостафина.

Яңа лаборатория - УДНТУ консорциумы, Металлларның үтә сыгылмалылыгы проблемалары институты (ИПСМ) һәм индустриаль партнерлар эше нәтиҗәсе. Ул УДНТУның лидерлык проектлары программасы кысаларында булдырылган.

Төп бурыч - уникаль компетенцияләргә ия, квалификацияле белгечләр әзерләү. Материал белгечләре генә түгел, башка юнәлешләрдәге студентлар, магистрантлар һәм аспирантлар да тикшеренүләрнең тулы циклын үткәрергә өйрәнәчәк — үрнәкләр алудан алып, микроструктураны анализлауга һәм механик үзлекләрне билгеләүгә кадәр.

Материаллар белеме өлкәсендәге гыйлем аларга киң профильле белгечләр булырга мөмкинлек бирәчәк, бу производствода да, тикшеренү эшчәнлегендә дә кирәк.