+1 °С
Болытлы
Барлык яңалыклар
Бөек Җиңүгә - 80 ел
4 март , 13:23
“Бүген дә СВОга китәр идем!”
Илебезне генә түгел, бөтен Европаны фашизм афәтеннән коткарган 1945 елның Җиңүле языннан ераклаша барган саен халкыбызның уртак батырлыгы, ныклыгы турында хәтер сүрелми, киресенчә, яңара, аның бөеклеге арта гына. Илебез халкының каһарманлыгы елъязмасында борайлылар да лаеклы урын били. Безнең районнан ундүрт меңнән артык батыр ир-егетләребез һәм хатын-кызларыбыз фронтларда илебез азатлыгын яклады, аларның яртысыннан күбрәгенә туган якларын кайтып күрү насыйп булмады.Кызганыч, әлеге истәлекле көннең төп геройлары – күкрәкләрен тутырып орден-медальләр чыңлатып исән кайту бәхетенә ирешкәннәрнең сафлары да елдан-ел кими. Хәзерге көндә районыбызда ике генә Бөек Ватан сугышы ветераны гомер кичерә: Кузбай авылында – Заһит ага Әхтәриев, Бәйсәкәдә — Миңнерәшит ага Сафиуллин. Инде йөзгә җитеп килүче аксакалларның бүген урыны түрдә. Төшенкелеккә бирелмичә, үз аякларына басып, матур дөньяда һәр таңга сөенеп яшәүләрен дәвам итә алар.
“Бүген дә СВОга китәр идем!”
Бәйсәкә авылы бик матур җирдә урнашкан. Анда олы ихтирамга лаек бердәнбер сугыш ветераны Миңнерәшит Сафиуллин гомер кичерә. Ул 1926 елның 5 маенда Котлыяр авылында Шәмсебанан һәм Фәметдин гаиләсендә җиденче бала булып дөньяга аваз сала. Кызганычка каршы, Рәшит абый тугач та, бик каты чирләп, әнисе мәрхүмә була. Күкрәк сөтеннән мәхрүм булган сабыйны Бәйсәкә авылында яшәүче әнисенең икетуган түтәсе Мәфтуха тәрбиягә ала. Рәшит ага Мәфтуха һәм Шәйслам Сафиуллиннар гаиләсендә төпчек малай булып үсә.
Рәшит абыйга 17 яшь тулганда сугыш башлана. Бәйсәкәдән 42 ир-егет сугышка китә. Аларның 24енә туган авылына кире кайту насыйп булмый. 1944 елда Рәшит абый да солдат шинеле кия, утлы фронт юлларын үтеп, Туган илебезне каһарманнарча яклый. Әмма үлемнең үзен җиңгән яугиргә сугыш тәмамлангач та тиз генә туган авылына кайту бәхете тими. Хезмәтен Кореядә дәвам итә. Аннан соң аларны Владивостокка җибәрәләр. Анда ул Шкотово районында эшелоннар саклый. 1950 елда гына туган авылына кайта.
Сугыштан соң авыл халкының тормышы бик авыр була. Балачактан ук тырыш, һәрнәрсәне җиренә җиткереп башкарырга күнеккән Рәшит ага туган колхозында эшли башлый. 1951 елда ул булачак тормыш юлдашы Мәрзияне очрата һәм бер күрүдә гашыйк була. Күп тә үтми яшьләр никах укытып, гөрләтеп туй ясый.
Мәрзия апа авылда укытучы булып эшли. 1953 елда аларның кызлары туа, көтеп алынган балага “Мәйсәрә” дип исем кушалар.1954 елда — уллары Данис, 1956 елда кече уллары Рәфис туа. Балалары да үзләре кебек бик тырыш булып үсә, мәктәптә уку алдынгылары була. Рәшит аганы эшендә ихтирам итеп, күпләргә үрнәк итеп куялар, авылда уңган, тәртипле гаиләләрнең берсе булалар.
Нишлисең, язмыш бит ул, маңгаеңа ниләр язылган, шуны күрәсең. 1998 елда Мәрзия апа якты дөньяны калдыра. Бу кара кайгыны Рәшит ага бик авыр кичерә. Кызлары Мәйсәрә, шәһәрне ташлап, әтисен карарга кайтырга мәҗбүр була. Кайгы берүзе генә йөрми диләр, 2014 елда өлкән улы Данис та каты авырудан мәңгелек йортка күчә. Авыр язмыш сынауларын җиңәргә ветеранга якыннарының, авылдашларының рухи ярдәме булыша.
Ул бүген авылда узган бер чарадан да читтә калмый. Сугыш кырларында ятып калган, исән-сау әйләнеп кайткан авылдашларына тактаташ ачу, зиратларны коймалауга материаллар алып бирүдә дә зур ярдәм күрсәтә. Бүген ветераныбыз кызы Мәйсәрә тәрбиясендә 99 яшен каршыларга җыена.
— Дәһшәтле Бөек Ватан сугышы һәр гаиләгә кагылды, илебездә беркемне дә бу фаҗига урап үтмәде. Киләчәккә матур планнар корып, тыныч тормышта яшәп яткан халкыбызга бетмәс кайгы-хәсрәт, илебезгә олы җимереклекләр, зур югалтулар алып килде. Миллионлаган ватандашыбыз яу кырларында дошман белән йөзгә-йөз килеп алышты, шулай ук миллионлаганнар үз-үзләрен аямыйча, тылда Җиңүне якынайту өчен фидакарь хезмәт үрнәкләре күрсәтте. “Барысы да – фронт өчен! Барысы да – Җиңү өчен!” дигән уртак лозунг яшен-картын берләштерде, Җиңү таңын якынайтуга өлеш кертте. Бердәмлек һәм татулыкның, уртак максат белән берләшеп тырышуның күркәм нәтиҗәсе – Бөек Җиңү көне әнә шулай олы корбаннар, фидакарьлек белән яулап алынды, — ди ветеран. — Сугыш хатирәләре турында сөйләргә яратмыйм мин. Аның бер романтикасы да юк. Һәлак булган коралдашларымның исемнәре хәтеремнән җуела барса да, йөзләре бүгенгедәй күз алдымда. Бүген дә, кулымнан килсә, корал алып, неонацистларга каршы көрәшкә үз теләгем белән китәр идем. Ватаныбыз азатлыгын, күкләребезнең аязлыгын күз карасы кебек сакласак иде!
Автор: Гөлназ Хуҗина.
Борай районы.
Рәшит абыйга 17 яшь тулганда сугыш башлана. Бәйсәкәдән 42 ир-егет сугышка китә. Аларның 24енә туган авылына кире кайту насыйп булмый. 1944 елда Рәшит абый да солдат шинеле кия, утлы фронт юлларын үтеп, Туган илебезне каһарманнарча яклый. Әмма үлемнең үзен җиңгән яугиргә сугыш тәмамлангач та тиз генә туган авылына кайту бәхете тими. Хезмәтен Кореядә дәвам итә. Аннан соң аларны Владивостокка җибәрәләр. Анда ул Шкотово районында эшелоннар саклый. 1950 елда гына туган авылына кайта.
Сугыштан соң авыл халкының тормышы бик авыр була. Балачактан ук тырыш, һәрнәрсәне җиренә җиткереп башкарырга күнеккән Рәшит ага туган колхозында эшли башлый. 1951 елда ул булачак тормыш юлдашы Мәрзияне очрата һәм бер күрүдә гашыйк була. Күп тә үтми яшьләр никах укытып, гөрләтеп туй ясый.
Мәрзия апа авылда укытучы булып эшли. 1953 елда аларның кызлары туа, көтеп алынган балага “Мәйсәрә” дип исем кушалар.1954 елда — уллары Данис, 1956 елда кече уллары Рәфис туа. Балалары да үзләре кебек бик тырыш булып үсә, мәктәптә уку алдынгылары була. Рәшит аганы эшендә ихтирам итеп, күпләргә үрнәк итеп куялар, авылда уңган, тәртипле гаиләләрнең берсе булалар.
Нишлисең, язмыш бит ул, маңгаеңа ниләр язылган, шуны күрәсең. 1998 елда Мәрзия апа якты дөньяны калдыра. Бу кара кайгыны Рәшит ага бик авыр кичерә. Кызлары Мәйсәрә, шәһәрне ташлап, әтисен карарга кайтырга мәҗбүр була. Кайгы берүзе генә йөрми диләр, 2014 елда өлкән улы Данис та каты авырудан мәңгелек йортка күчә. Авыр язмыш сынауларын җиңәргә ветеранга якыннарының, авылдашларының рухи ярдәме булыша.
Ул бүген авылда узган бер чарадан да читтә калмый. Сугыш кырларында ятып калган, исән-сау әйләнеп кайткан авылдашларына тактаташ ачу, зиратларны коймалауга материаллар алып бирүдә дә зур ярдәм күрсәтә. Бүген ветераныбыз кызы Мәйсәрә тәрбиясендә 99 яшен каршыларга җыена.
— Дәһшәтле Бөек Ватан сугышы һәр гаиләгә кагылды, илебездә беркемне дә бу фаҗига урап үтмәде. Киләчәккә матур планнар корып, тыныч тормышта яшәп яткан халкыбызга бетмәс кайгы-хәсрәт, илебезгә олы җимереклекләр, зур югалтулар алып килде. Миллионлаган ватандашыбыз яу кырларында дошман белән йөзгә-йөз килеп алышты, шулай ук миллионлаганнар үз-үзләрен аямыйча, тылда Җиңүне якынайту өчен фидакарь хезмәт үрнәкләре күрсәтте. “Барысы да – фронт өчен! Барысы да – Җиңү өчен!” дигән уртак лозунг яшен-картын берләштерде, Җиңү таңын якынайтуга өлеш кертте. Бердәмлек һәм татулыкның, уртак максат белән берләшеп тырышуның күркәм нәтиҗәсе – Бөек Җиңү көне әнә шулай олы корбаннар, фидакарьлек белән яулап алынды, — ди ветеран. — Сугыш хатирәләре турында сөйләргә яратмыйм мин. Аның бер романтикасы да юк. Һәлак булган коралдашларымның исемнәре хәтеремнән җуела барса да, йөзләре бүгенгедәй күз алдымда. Бүген дә, кулымнан килсә, корал алып, неонацистларга каршы көрәшкә үз теләгем белән китәр идем. Ватаныбыз азатлыгын, күкләребезнең аязлыгын күз карасы кебек сакласак иде!
Автор: Гөлназ Хуҗина.
Борай районы.
Читайте нас:
© 2019-2025 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27