+21 °С
Болытлы
Мең дә бер киңәш
20 сентябрь 2019, 04:14
Адашкан очракта нишләргә?
Республика урманнарга бик бай. Урындагы халык та җәй һәм көз, еш кына урманга барып, җиләк-җимеш, гөмбә җыярга гадәтләнгән. Шул ук вакытта, урманда адашу очраклары да еш күзәтелә. Мондый бәхетсезлеккә тарыганда белгечләр түбәндәге киңәшләрне истә тотарга куша.
Республика урманнарга бик бай. Урындагы халык та җәй һәм көз, еш кына урманга барып, җиләк-җимеш, гөмбә җыярга гадәтләнгән. Шул ук вакытта, урманда адашу очраклары да еш күзәтелә. Мондый бәхетсезлеккә тарыганда белгечләр түбәндәге киңәшләрне истә тотарга куша.
* Каушап калмагыз.
* Тавыш киләме дип тыңлагыз. Теләсә нинди кайтаваз кешеләр янына чыгарга ярдәм итәчәк. Иң яхшы ишетелү вакыты – төнлә, томан төшкәч. Мәсәлән, шул чакта узып барган поезд тавышын 10 чакрым арадан тоемлап була.
* Әгәр юнәлешне чамалый алмасагыз, ләкин эзләп чыгачакларын төгәл белсәгез, шул урында гына калыгыз.
* Үзегез белән кесә телефоныгыз булса, туганнарыгызга һәм 112 номеры буенча шалтыратып, адашуыгыз хакында хәбәр итегез. Телефоныгызны җылыда тотарга һәм шалтыратулар санын азайтырга тырышыгыз.
* Урманда иң яхшы юнәлеш – елгалар һәм инешләр. Аларның күбесе тагын да зуррак сулыкларга коя, шуңа да яр буенда кешеләрне очрату өмете күпкә зуррак. Юл яисә электр тапшыргыч линияләр янына барып чыксагыз, шул тирәдән атлагыз.
* Урманда төн кунарга туры килсә, урынны караңгы төшкәнче үк сайлап куегыз. Иң яхшысы – биегрәк, коры җир булсын. Үзегезне саклагыз!
