+21 °С
Болытлы
Мең дә бер киңәш
4 сентябрь 2020, 08:15
Җимеш куакларын тукландырырга вакыт
Уңышы белән куандырган карлыган, крыжовник, кура җиләге куакларын ашлама белән тукландырырга вакыт җитте. Моны ничек итеп дөрес эшләргә?
Уңышы белән куандырган карлыган, крыжовник, кура җиләге куакларын ашлама белән тукландырырга вакыт җитте. Моны ничек итеп дөрес эшләргә? Русия Авыл хуҗалыгы үзәгенең Башкортстан буенча филиалы белгече Светлана Дәүләтханова бу уңайдан шундый киңәшләр бирә:
— Тәү чиратта куакларның авыру һәм кыек үскән ботакларын кисегез. Төпләрен казып йомшартыгыз. Әгәр авыру яфраклар күренсә, 1 процентлы бордос катнашмасы белән эшкәртегез. Калий-фосфор ашламасы белән тукландырыгыз. Бер төпкә 30-40 грамм суперфосфат һәм 15-20 грамм калий кирәк булачак.
Җимеш агачларына һәм куакларга су сибүне киметегез, әмма тулысынча туктатмагыз. Нәкъ шушы мәлдә икенче елга уңыш нигезе салына — чәчәкле бөреләр барлыкка килә. Куакка шушы вакытта ярдәм итеп җибәрер өчен җылы су сибәргә кирәк. Кызыл карлыганга — 2, кара карлыганга — 3-4, крыжовникка 4-6 чиләк, кура җиләгенә 1 квадрат метрга 5-6 чиләк су кирәк булыр, — ди белгеч.
Фото: babushkinadacha.ru
