+21 °С
Болытлы
Мең дә бер киңәш
7 апрель 2021, 06:00
Кыяр уңышы орлыкка бәйле...
Орлык сайлар алдыннан белгеч киңәшләренә колак салыгыз.
Орлык сайлар алдыннан белгеч киңәшләренә колак салыгыз.
— Орлыкның сыйфаты — киләчәк уңышның нигезе икәнлеге беркемгә дә сер түгел. Шуңа җәй буе тәмле, мул уңыш биргән кыяр үстерәм дисәгез, орлыкка аеруча игътибарлы булыгыз, — диләр Русия авыл хуҗалыгы үзәгенең Башкортстан буенча филиалы белгечләре. — Бүген кибет киштәләрендә нинди генә орлык юк: күзләр камаша. Хаклары да төрле. Әлбәттә, кайсын алырга да белмисең. Кыйбат орлык алып та, уңышсыз калган еллар була. Ә менә кайбер бакчачылар үзләре орлык эшләп калдыра. Бу очракта 2-3 ел сакланган кыяр орлыгына өстенлек бирергә кирәк. Бер еллык кыяр орлыгыннан, гадәттә, буш чәчәкләр генә җыеп алырга була.
— Орлыкның сыйфаты — киләчәк уңышның нигезе икәнлеге беркемгә дә сер түгел. Шуңа җәй буе тәмле, мул уңыш биргән кыяр үстерәм дисәгез, орлыкка аеруча игътибарлы булыгыз, — диләр Русия авыл хуҗалыгы үзәгенең Башкортстан буенча филиалы белгечләре. — Бүген кибет киштәләрендә нинди генә орлык юк: күзләр камаша. Хаклары да төрле. Әлбәттә, кайсын алырга да белмисең. Кыйбат орлык алып та, уңышсыз калган еллар була. Ә менә кайбер бакчачылар үзләре орлык эшләп калдыра. Бу очракта 2-3 ел сакланган кыяр орлыгына өстенлек бирергә кирәк. Бер еллык кыяр орлыгыннан, гадәттә, буш чәчәкләр генә җыеп алырга була.
Теплицага утырту өчен алдан шытымнар әзерләп куярга булсагыз, диаметры ун сантиметрдан зуррак булган савытка бер генә кыяр утыртыгыз. Ә шытым ачык түтәлгә утыртуга әзерләнсә, киресенчә, кечерәк савыт кирәк булыр.
Кыяр орлыгы һава җитмәүгә тиз бирешә. Шуңа савыттагы җир җиңел һәм йомшак булырга тиеш. Орлык чәчелгән савытларның өстен пленка белән каплап, җылы урынга утыртырга кирәк. Алар 3- 5 көннән шытып чыга. Үсентеләр 4-7 көнлек булгач, температураны 16-18 градуска кадәр киметергә була. Бу очракта үсентеләр озынлыкка китмәс.
Фото: zelleto.ru
