Барлык яңалыклар
Мең дә бер киңәш
26 ноябрь , 10:55

Кан басымын ничек төшерергә?

Галимнәр нәтиҗәле алымнар тәкъдим итә.

Кан басымын ничек төшерергә?



АКШның "Mayo Clinic" медицина үзәге галимнәре гипертония, яки югары артериаль кан басымын киметү буенча тикшеренүләр үткәргән. Бу авыру - кардиопатия, энцефалопатия һәм нефропатиянең төп факторы, дип саный галимнәр.

"Артериаль кан басымын киметергә ярдәм итүче продуктлар арасында иң нәтиҗәлесе шпинат икән. Яшелчәләрдә һәм, шул исәптән, шпинаттагы органик булмаган нитратлар азот оксиды барлыкка килүгә ярдәм итә, ул авыз куышлыгындагы бактерияләр белән элемтәгә керә. Әлеге оксид кан тамырларын киңәйтә, бу аларның функцияләрен яхшыртуга китерә, димәк, кан басымын контрольдә тотарга ярдәм итә", - дип хәбәр итә "Semana" басмасы галимнәрнең тикшеренүләренә сылтама белән.

Гипертониягә каршы нәтиҗәле көрәш өчен сәламәт диетаны сакларга, стресс дәрәҗәсен контрольдә тотарга, тәмәке тартмаска, тоз, алкоголь һәм кофеин куллануны киметергә кирәк, дип билгеләп үтелә. Шулай ук галимнәр спорт белән күбрәк шөгыльләнергә киңәш итә.

Күптән түгел диетолог Ольга Чунтонова кан басымын киметү өчен чиа орлыгын да кулланырга кирәклеген билгеләп үтте. "Бу орлыклар составына кергән май кислоталары кандагы холестерин дәрәҗәсен киметергә мөмкинлек бирә, бу атеросклерозның яхшы профилактикасы булып тора», — дип ассызыклады Чунтонова.

 

Автор:Идрис Саитгалеев