Барлык яңалыклар
Мең дә бер киңәш
27 ноябрь 2021, 20:45

Картлар йортыннан чыгаралармы?

— Туган тиешле апамны икенче туганым деменция диагнозы белән картлар йортына урнаштырды. Апам, укып та тормыйча, ниндидер документларга кул куйган. Ул аннан үзе чыга аламы, чөнки хәзерге вакытта аны җибәрмиләр, урнаштырган туганы гына алып чыга ала диләр. Аның хокуклары нинди?

Картлар йортыннан чыгаралармы?

— Әгәр сезнең туганыгыз суд тәртибендә үз-үзен хезмәтләндерергә сәләтсез дип табылмаса, ул теләсә кайсы вакытта картлар йортыннан чыгып китәргә хокуклы. Торыр урыны, керем чыганагы, кирәк икән, опекуны булганда, әлбәттә.

Шулай да, иң яхшысы, табибларның деменция турында бәяләмәсен өйрәнү. Нәкъ менә ул туганыгызның социаль учреждениегә китерелүенә сәбәпче булган. Тагы да туганыгызның нинди документлар имзалавы мөһим. Сез үзегез хәлне ачыклау өчен картлар йорты җитәкчелегенә язма рәвештә мөрәҗәгать итә аласыз.

Автор:Резеда Галикәева