+1 °С
Болытлы
Барлык яңалыклар
Мең дә бер киңәш
21 декабрь 2021, 08:15
Тавык кышын йомырка салсын, дисәң...
Кышын йомыркадан өзелмәс өчен төп ике шартның үтәлүе кирәк.
Тавык кышын йомырка салсын, дисәң...
Беренчедән, кетәклекнең җылы, каралган булуы, икенчедән, кош-кортны дөрес итеп ашату һәм тәрбияләү. Бу хакта "Ватаным Татарстан" Әлфинур Нәҗметдинова мисалында тәфсилләп язган.
"Әлфинур ханым тавыкларын көненә ике тапкыр ашата. Иртән табыннан калган ризыклар – икмәк, ботка, яшелчә (бәрәңге, кишер, чөгендер) һ.б. бирә. Ара-тирә болгаткан белән сыйлый. Болгатканны вакланган кабырчыкка (ракушка) ылыс оны, печән һәм акбурга су кушып ясый.
Кош үстерү серләрен үзенең биш бармагыдай белүче ханым моның белән генә дә чикләнми әле. Кышын тавык ризыгына бераз гына чүпрә өстәсәң әйбәт, ди. Чүпрә кош-кортның гәүдә авырлыгын арттыра, шулай ук йомырка салуын яхшырта икән. Моннан тыш, иммунитетын да ныгыта. Әмма артыгы ярамый. Тавыкның көндәлек ризык күләменең нибары 4-5 процентын гына тәшкил итәргә тиеш.
Инде килеп, көн саен суларын алыштырып тора. Кичен биш литрлы савытка краннан су тутырып куя да иртән савытларына чыгарып сала. Тагын бер сере – «тити»ләрне төрле чирләрдән саклау өчен балык калдыклары, балык мае, сөяк оны биргәли.
Укучыбыз тавыкларына көрпә, үрдерелгән ашлык ашатуны хуп күрә икән. Вакыты булмаганда үрдермичә генә дә бирә. Үрдерелгәнендә кошлар өчен витаминнар һәм минераллар күп, ди. Ә инде иң әһәмиятлесе – кышын да кош-кортны суалчан-челидән өзми. Иренмәс җан боларын балыкчылар кибетеннән сатып ала.
Тавыклары җылытылган кетәклектә яши. Дөресрәге, көне-төне диярлек лампочка янып торган бүлмәдә. Идәнгә агач чүбе һәм печән түши. Асларын көн саен чистартып тора. Кышын тавыкка тәүлегенә кимендә 15 сәгать яктылык кирәк, бу очракта күкәй салуы 20 процент чамасы арта. Лампочка егәрлегенә килгәндә, мәйданы 6 кв. м тәшкил иткән кетәклеккә 60 кВтлы булса, шул җитә. Зур бер лампочка урынына кечерәк ике лампочканың януы яхшырак икән.
Әлфинур ханым әйтүенчә, җылытылмаган урында яшәүче кош-кортка күбрәк ашатырга кирәк. Үзләрен җылытуга да энергия бүлеп чыгару өчен ризык таләп ителгәч, шулай булмый хәле юктыр шул.
Укучыбыз тавыкларга саф һава сулатырга да онытмый. Урамдагы температура минус 5 градустан түбәнрәк булмаганда кетәклек ишеген ачып куя. Шул рәвешле тавыклар, утарга чыгып, чемченеп керә".
Фото: 7ogorod.ru
"Әлфинур ханым тавыкларын көненә ике тапкыр ашата. Иртән табыннан калган ризыклар – икмәк, ботка, яшелчә (бәрәңге, кишер, чөгендер) һ.б. бирә. Ара-тирә болгаткан белән сыйлый. Болгатканны вакланган кабырчыкка (ракушка) ылыс оны, печән һәм акбурга су кушып ясый.
Кош үстерү серләрен үзенең биш бармагыдай белүче ханым моның белән генә дә чикләнми әле. Кышын тавык ризыгына бераз гына чүпрә өстәсәң әйбәт, ди. Чүпрә кош-кортның гәүдә авырлыгын арттыра, шулай ук йомырка салуын яхшырта икән. Моннан тыш, иммунитетын да ныгыта. Әмма артыгы ярамый. Тавыкның көндәлек ризык күләменең нибары 4-5 процентын гына тәшкил итәргә тиеш.
Инде килеп, көн саен суларын алыштырып тора. Кичен биш литрлы савытка краннан су тутырып куя да иртән савытларына чыгарып сала. Тагын бер сере – «тити»ләрне төрле чирләрдән саклау өчен балык калдыклары, балык мае, сөяк оны биргәли.
Укучыбыз тавыкларына көрпә, үрдерелгән ашлык ашатуны хуп күрә икән. Вакыты булмаганда үрдермичә генә дә бирә. Үрдерелгәнендә кошлар өчен витаминнар һәм минераллар күп, ди. Ә инде иң әһәмиятлесе – кышын да кош-кортны суалчан-челидән өзми. Иренмәс җан боларын балыкчылар кибетеннән сатып ала.
Тавыклары җылытылган кетәклектә яши. Дөресрәге, көне-төне диярлек лампочка янып торган бүлмәдә. Идәнгә агач чүбе һәм печән түши. Асларын көн саен чистартып тора. Кышын тавыкка тәүлегенә кимендә 15 сәгать яктылык кирәк, бу очракта күкәй салуы 20 процент чамасы арта. Лампочка егәрлегенә килгәндә, мәйданы 6 кв. м тәшкил иткән кетәклеккә 60 кВтлы булса, шул җитә. Зур бер лампочка урынына кечерәк ике лампочканың януы яхшырак икән.
Әлфинур ханым әйтүенчә, җылытылмаган урында яшәүче кош-кортка күбрәк ашатырга кирәк. Үзләрен җылытуга да энергия бүлеп чыгару өчен ризык таләп ителгәч, шулай булмый хәле юктыр шул.
Укучыбыз тавыкларга саф һава сулатырга да онытмый. Урамдагы температура минус 5 градустан түбәнрәк булмаганда кетәклек ишеген ачып куя. Шул рәвешле тавыклар, утарга чыгып, чемченеп керә".
Фото: 7ogorod.ru
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27