Куян елын каршылаганда өстәлдә нәрсә булырга тиеш?

Куян елын каршылаганда өстәлегездә мичтә пешкән яшелчәләр булса хәерле. Мәсәлән, барыбыз да яраткан бәрәңге. Ә кабак бигрәк тә әйбәт!

Җимешләр һәм җиләкләр дә, һичшиксез, булырга тиеш. Ниндиен яратасыз, ниндиләрне алырга мөмкинлегегез бар, шуларны куегыз.

Салатлар һәм кабымлыклар — Куянның яраткан ризыклары! Алар ел хуҗасын хәтерләткән яисә Яңа ел символикасында булса, бигрәк тә яхшы. Без аларның рецептларын бирдек. Сылтамалар буенча укыгыз:
https://kiziltan.ru/articles/poleznoe/2022-12-19/ya-a-el-st-len-t-mle-kysh-babaylar-zerl-gez-3078805
https://kiziltan.ru/articles/poleznoe/2022-12-14/s-gat-salaty-ya-a-el-st-lene-biz-ge-bulyr-3070726
https://kiziltan.ru/articles/poleznoe/2022-12-13/kabymlykka-kuyannar-zerl-gez-3069613

Яшелчәләрдән яисә балыктан шашлык әзерләсәгез дә бик яхшы булыр. Шулай ук нинди булса да диңгез ризыклары куярга тырышыгыз. Мәсәлән, балык, диңгез кәбестәсе, уылдык һәм башкалар.

Итнең ниндие дә ярый, тик куян ите булмасын! Тавык белән күркә бигрәк тә хуплана.
Быел татлы тәгамнәрсез ярамый! Торт яисә башка татлы камыр ризыклары әзерләргә, алырга онытмагыз! Десертка туңдырма булса да шәп булыр!

Шуны онытмагыз — өстәлдә кишер, кәбестә кушылган ризыклар булырга тиеш!
Яңа елда муллык, иминлек килсен!

Фото: ”heaclub.ru”