+22 °С
Болытлы
Гәзиткә язылуVKOKTelegram
Барлык яңалыклар
Мең дә бер киңәш
27 сентябрь 2023, 15:50

Кабактан пирог әзерли беләсезме?

Бер әфлисун да кирәк булыр. Бу татлы камыр ризыгын кабакны бик өнәмәүчеләр дә яратырга тиеш.  

Кабактан пирог әзерли беләсезме?
Кабактан пирог әзерли беләсезме?

Камыр өчен кирәк:
140 грамм акмай;
3 кашык су;
2 кашык шикәр;
1,5 стакан он.
Боларның барысын да кушып, камыр басабыз.

Эчлек өчен кирәк:
2 стакан кабак измәсе (кисәкләргә бүленгән яшелчәне мичтә пешерәбез һәм изәбез);
200 грамм эремчек;
3/4 стакан шикәр;
2 йомырка;
кыргычтан чыгарылган 1 әфлисун кабыгы.
Боларның барысын да блендерга салып әйләндерәбез һәм эчлек әзер!

Камырны табага җәеп урнаштырабыз һәм өстенә эчлек салабыз.
40 минут 180 градуска кадәр кыздырылган мичтә пешерәбез.

Тәмле булсын!

Фото: “https://www.livemaster.ru/”

 

Автор:Ләйсән Якупова
Читайте нас: