+20 °С
Болытлы
Мең дә бер киңәш
15 октябрь 2023, 02:20
Әби-бабай оныгына алимент түләргә тиешме?
- Ялгызым гына дүрт яшьлек бала үстерәм. Аның әтисе башта алимент түләүдән качып йөрде. Аннары исерек килеш авариягә тарып имгәнде. Озак еллар буе беркайда да эшләмәде. Без аның белән күптән аерылыштык. Әти-әнисе бар, пенсиядә булсалар да, әйбәт эштә эшлиләр. Күп итеп мал асрыйлар. Мин алардан балама алимент таләп итә аламмы? Лилия САЛИХОВА.
Әби-бабай оныгына алимент түләргә тиешме?
– Русиянең “Гаилә кодексы”нда, әгәр дә баланың ата-анасыннан алимент алу мөмкинлеге булмаса, аңа пенсия, пособие түләнмәсә, ә әби-бабасының матди хәле начар булмаса, алар балага алимент түләргә тиеш, диелгән. Бу очракта алимент хезмәт хакыннан өлешләп түгел, ә төгәл сумма итеп алына.
Шунысы да билгеле булсын: әби-бабайдан алиментны балигълык яшенә җиткән, әмма эшкә сәләте булмаган оныклар да алырга мөмкин. Моның өчен өч шарт үтәлергә тиеш: эшкә сәләтсезлек (мәсәлән, бала чактан ук инвалидлык), мохтаҗлык, иреннән (хатыныннан) яисә ата-анасыннан алимент алу мөмкинлеге булмау.
Әйткәндәй, әби-бабайның да оныкларыннан суд аша алимент алырга хокуклары бар.
