+21 °С
Болытлы
Мең дә бер киңәш
18 ноябрь 2023, 05:20
Миллион сум бурычны кем түли?
– Ирем 2020 елның апрелендә вафат булды, васыять балигъ булмаган кызына язылган, ул мираска керде. Сентябрьдә банк кызыма дәгъва белдерде, чөнки әтисе бер миллион сум күләмендә кредит алган булган. Әйтегез әле, мондый кредитлар буенча “срок давности” бармы? Үлгәннән соң 3,5 ел узды. Кредитны опекун буларак миңа түләргә туры киләчәге аңлашыла. Банк процентларны да, пеняны да, штрафларны да түләтәчәкме?
Миллион сум бурычны кем түли?
– Русия Гражданнар кодексының 196 мәддәсе нигезендә, бу мәсьәләдә “срок давности” өч ел тәшкил итә. 199 мәддә нигезендә, бәхәстә бер якның дәгъва вакыты тәмамлану турындагы гаризасы таләпләрне канәгатьләндерүдән баш тарту өчен нигез булып тора.
Гражданнар кодексының 200 мәддәсе буенча, “срок давности” вакыты чыгу кеше хокук бозу турында белгән яки белергә тиеш булган вакыттан башлана. Әгәр дә варисның үлеменнән соң өч елдан артык вакыт узса, аның “срок давности” тәмамлануы турында белдерергә кирәк.
Моннан тыш, бурычлы кешенең кредиты страховкаланганмы-юкмы икәнен белү мотлак, чөнки страховка булганда, банкка бурычны страховкалау компаниясе түләргә тиеш.
