+21 °С
Болытлы
Мең дә бер киңәш
26 ноябрь 2023, 02:50
Кредит каникулларын ничек алырга?
– Минем танышым авырып китте. Чиренең никадәр җитди икәнен белмим, әмма инде 4 ай кредитын аның әнисе түли. Аны түләүдән вакытлыча туктап торырга мөмкинме һәм закон буенча кредит каникуллары өчен нинди вакыт билгеләнгән?
Кредит каникулларын ничек алырга?
– Мөмкин, ләкин барысы да теге яки бу кредит учреждениесенең сәясәтенә бәйле. Кредит каникуллары бирү өчен шартларны кредит учреждениеләре үзләре билгели. Мәсәлән, мондый шартлар бар:
Кредит каникулларыннан мөрәҗәгать итү аена кадәр килгән айда керемнәре, узган елдагы уртача айлык керемнәре белән чагыштырганда, ким дигәндә 30 процентка кимегән гражданнар файдалана ала.
Әгәр дә танышыгыз булдыра алса, әнисенә ышаныч кәгазе рәсмиләштерсен. Аның белән ул кредит каникуллары бирү турында гариза һәм билгеле бер вакыт эчендә керемнәрнең кимүен раслаучы документлар белән кредит учреждениесенә мөрәҗәгать итә алачак.
Фото: башинформ
