+12 °С
Болытлы
Гәзиткә язылуVKOKTelegram
Барлык яңалыклар
Мең дә бер киңәш
4 декабрь 2023, 11:10

Озакка сузылган ютәлдән ничек котылырга?

Табиб киңәшләренең файдасы тисен.

Озакка сузылган ютәлдән ничек котылырга?
Озакка сузылган ютәлдән ничек котылырга?
ОРВИ кичергән кешеләр еш кына озакка сузылган ютәлдән җәфалана. Пульмонолог Евгений Попов аннан ничек котылырга кирәклеге турында сөйләде.
Коклюш, вирус яки микоплазма инфекциясе, трахея һәм эре бронхларның тараюы яки бронхларның гиперреактивлыгы аркасында барлыкка килгән ютәл еш кына стандарт дәвалауга бирешми.
Үз-үзеңне дәвалауны уйламыйча дарулар кабул итүдән башламас өчен, ютәлнең төрен билгеләү бик мөһим. Бу очракта табибка мөрәҗәгать итү яхшырак. Даруларны сайлауның төп принцибы — какрыкның булуын һәм ютәлнең көчлелеген билгеләү.
Какрыкка йогынты ясамаган, әмма бронхларның һәм сулыш юлларының лайлалы тышчасы торышына уңай йогынты ясый торган препаратлар кулланырга мөмкин.
Ярдәмче процедураларга күбрәк җылы су эчү һәм өйдә дымлы һава булдыру керә. Сыеклык какрыкны йомшартырга булыша, ә су җитмәсә, ютәл озакка сузыла. Шулай ук һава коры булганда, аеруча җылыту сезонында, ютәл нык интектерә. Бу хакта “Российская газета” хәбәр итә.

Автор фотосы.


Автор:Зөлфия Фәтхетдинова
Читайте нас: