+28 °С
Болытлы
Мең дә бер киңәш
21 декабрь 2023, 03:45
Алкотестер ялгышамы, инспектормы?
— Канда алкоголь булуга тикшергәндә ЮХХДИ инспекторыннан ике тапкыр өрдертергә сорадым. Ул бер тапкыр да җитә, дип әйтте. Мин наркологка алып барырга куштым. Табиб та хәйләкәр булып чыкты: ике тапкыр өрдерсә дә, тиешенчә 20 минуттан соң түгел, ә 32 минут аралыгында. Кыскасы, мин исерек булып чыктым. Ә бу кагыйдә бозулар минем файдама була аламы?
Алкотестер ялгышамы, инспектормы?
—ЮХХДИ хезмәткәре сезгә алкоголь тестерына теләгән кадәр өрергә тәкъдим итәргә тиеш түгел: әгәр прибор санлы нәтиҗә бирсә, бер тапкыр өрү дә җитә.
Ә менә медицина учреждениесендә табиб-нарколог, чыннан да, сез сулаган һаваны проба өчен ике тапкыр алырга тиеш. Һәм икенчесе, чыннан да, 20 минут үткәч башкарылырга тиеш.
Ә менә медицина учреждениесендә табиб-нарколог, чыннан да, сез сулаган һаваны проба өчен ике тапкыр алырга тиеш. Һәм икенчесе, чыннан да, 20 минут үткәч башкарылырга тиеш.
Шуны истә тотарга кирәк: алкотестерга егерме минуттан да иртәрәк өрергә ярамый. Югыйсә, бу тикшерү тәртибен бозу булачак һәм эш буенча производствоны туктатуга китерергә мөмкин. Соңрак тыелмый. Бу хакта суд практикасы да сөйли: 25 минуттан соң кабат өрү үткәрелгәнме яки 35 минуттан соңмы — әлеге хәл эшнең нәтиҗәсе сезнең файдага булуга тәэсир итә алмый.
