+21 °С
Болытлы
Мең дә бер киңәш
19 февраль 2024, 10:32
Йокысызлыктан интегәсезме?
Шушы ысулларны кулланып карагыз әле.
Йокысызлыктан интегәсезме?
Йокысызлыктан бөтнек белән мәтрүшкәле мендәрләр коткара.
– Мендәрне бөтнек, мәтрүшкә, абага, яран гөл, чикләвек, дәфнә яфраклары, нарат ылысы, роза аерчаклары белән тутырыгыз.
– Йомшак тукымадан бәләкәй капчык-төенчек әзерләп, шуңа ике аш кашыгы төелгән колмак салырга һәм, тегеп, мендәр астына куярга кирәк.
– Ылыслы ванна, яки тырнак гөле, мәтрүшкә, бөтнек, мелисса (һәр үлән 50 г) төнәтмәсе ваннасы керегез. 5–7 тапкыр көн аралаш унар минут кабул итегез.
– Кич белән йоклар алдыннан 1 сәгать кала бер стакан кайнар сөт яисә суга 1 кашык бал туглап эчкәндә тиз йокыга кителә.
– Төнгә каршы аякларны кайнар суда тоту да арыганлыкны бетерә, нерв системасын тынычландыра.
