Алданмас өчен нишләргә?

Төзелеп бетмәгән йорты булган участок сатып алганда нәрсәләргә игътибар итү зарур?

Әлбәттә, җир участогы һәм йортның уңайлы булуы гына канәгатьләндерергә тиеш түгел. Беренче чиратта документларның тәртиптә булуына ышанырга кирәк. Иң мөһиме — төзелеп бетмәгән объект (недострой) дәүләт кадастр исәбенә куелган һәм аның милек хуҗасы булуы “Росреестр”да теркәлгән булырга тиеш. Әгәр “недострой” кадастр исәбенә куелмаган булса, аның хуҗасы бу документларсыз җирен дә, йортын да сата алмый.

“Милекне дәүләт теркәве турында”гы Федераль законның 40нчы статьясы 10нчы кисәгендә билгеләнүенчә, дәүләт кадастр исәбенә алу һәм төзелеп бетмәгән объектны теркәү хокукы бу участокка хуҗа булу һәм анда йорт салуга рөхсәт бирелгән документ нигезендә башкарыла. Әгәр анда объект салу өчен рөхсәт алу таләп ителмәгән булса, дәүләт кадастр исәбенә алу һәм әлеге төзелеп бетмәгән йортка ия булуны раслаучы дәүләт теркәве әлеге объект урнашкан җир участогына ия булуны дәлилләүче техник план нигезендә башкарыла. Билгеле, төзелеп бетмәгән объектка һәм җир участогына хуҗа булуны раслаган әлеге документлар милек хуҗасына да, төзелеп бетмәгән йортның законлы булуына да ышанычны арттыра.

Шуны онытмаска кирәк: әгәр участок хуҗасы “недострой”ны кадастр исәбенә куярга һәм милек хуҗасы булуын теркәргә ашыкмаса яисә аннан баш тартса, мондый сатып алудан ерак тору яхшырак. Һәрхәлдә, бу кешенең участогын, йортын ни сәбәпле сатарга теләвен ачыклау зыян итмәс. Ни өчен дигәндә, аның бу участокны һәм төзелеп бетмәгән йортын сатуның сәбәбе финанс мөмкинлекләре җитмәүгә генә бәйле булмаска да мөмкин. Ихтимал, төзелеш барышында ниндидер хилафлыклар ачыклангандыр, бәлки, йорт салу тәртипләре төгәл үтәлмәгәндер? Яңа салынасы йортны теркәүдә ниндидер башка каршылыклар туу, документлар әзерләүдә закон бозу очраклары булу да мөмкин. Участокта төзелеш эшләренең кайчаннан тукталуы белән кызыксыну да зыян итмәс.

Исегездә тотыгыз: тиешле документларсыз һәм рөхсәт алынмыйча, яки төзелеш кагыйдәләре һәм нормалары үтәлмичә салынган объект закон буенча рөхсәтсез (самовольная постройка) дип кабул ителә һәм аның хуҗасы Русия Гражданнар кодексының 222 статьясының 1 пунктына ярашлы, җаваплылыкка тарттырыла.
Шуңа күрә әлеге төзелештә технологик таләпләрнең төгәл үтәлүенә ышану өчен экспертлар бәяләмәсен алырга тырышыгыз. Әгәр төзелеп бетмәгән объектның нигезе ныклыгын, конструкцияләр торышын да тикшертсәгез, тагын да ышанычлырак булыр. Тәҗрибәле, үзегезгә яхшы таныш белгечне чакырып, төзелеш кагыйдәләре һәм таләпләренең ни дәрәҗәдә төгәл үтәлүе белән бәйле сорауларга җавапны аңардан сораша аласыз.

Олег Төхвәтуллин әзерләде.
Фото ruzeм. сom сайтыннан алынды.

Автор:Резеда Галикәева

Читайте нас:

Новости партнеров

Ҡыш ҡасан килә?

Уфимский лимонарий – точка притяжения туристов со всех концов России

Балтачлар аккошлар гаиләсе өчен борчыла

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27