+23 °С
Болытлы
Гәзиткә язылуVKOKTelegram
Барлык яңалыклар

Канлы үлән - чистотелны ничек кулланырга?

Кем мактый, кемдер хурлый... Ә асылда?

Канлы үлән - чистотелны ничек кулланырга?
Канлы үлән - чистотелны ничек кулланырга?

Канлы үлән чәчәк ата. Аның төнәтмәсенең яман шешне туктатырга сәләтле икәне турында күпләрнең ишеткәне бардыр.

Аны ничек кулланырга?

Үт йөреше бозылганда:
2 аш кашыгы кипкән үләнгә 2 стакан кайнап торган су коярга. 4 сәгать төнәтергә. Сөзеп алырга.
Иртән ач карынга һәм кичен тулар-тулмас стакан (150 мл)эчәргә.

Үт куыгында ташлар булса:
Бер үк авырлыкта канлы үлән һәм бөтнекне ( мята перечная) бергә кушарга. 2 аш кашыгы катнашмага 1 стакан бүлмә температурасындагы су салып, салмак ут өстендә 30 минут җылытырга. Суынгач, сөзеп алырга.
Төнәтмәне иртән һәм кич 1 стакан эчәргә.

Яман шештән:
Беренче ысул:
1 бал кашыгы канлы үләнгә (тора-бара арттырып, 3 аш кашыгына җиткерергә) бер стакан кайнап торган су салырга. 30 минут төнәтергә. Сөзеп алырга. Көнгә 3 тапкыр, ашарга ярты сәгать кала, җылы килеш, 1/3 стакан эчәргә.

Икенче ысул:
Яңа җыйган канлы үләннең согын сыгарга һәм 1:1 исәбеннән кайнатып суыткан су белән кушарга. Көнгә 3-4 тапкыр1 бал кашыгы кабарга һәм артыннан су эчәргә.

Өченче ысул:
Канлы үләнне сыгарга һәм шул хәтле үк аракы салырга. Көнгә 3-4 тапкыр 1 бал кашыгы эчәргә.

Дүртенче ысул:
Яңа җыйган үләнне ваклап турарга һәм туралган үләнне чылатырлык кына итеп, спирт, яки аракы салырга. 1 атна төнәткәч, сөзеп алырга.
20 тамчы төнәтмәгә 1 аш кашыгы су кушып, ашар алдыннан эчәргә. Һәр кулланган саен , берәр тамчыга арттыра барып, 50 тамчыга җиткерергә.

Бишенче ысул:
1 аш кашыгы үләнгә 1 стакан кайнап торган су коярга. Бераз төнәтергә. Көн дәвамында ашар алдыннан берәр аш кашыгы төнәтмәне кабып куярга.

Алтынчы ысул:
1 аш кашыгы канлы үләнне термоска салырга. Өстенә 1 стакан кайнап торган су коярга. 4 сәгать төнәтергә. Иртән һәм кич төнәтмәне берәр стакан эчәргә.

Әлеге рецептлар "Большая энциклопедия народной медицины" китабыннан алынды.

Халык кулланышында булган тагын бер ысул:
3 литр эремчек суына әле генә җыеп, вак итеп тураган 1 стакан канлы үлән (чистотел) салырга. Шуңа 2 кашык бал, 1 кашык кибет каймагы кушарга, өстен марля белән бәйләп, җылы урынга куярга. Катнашманы көн саен бутап торырга. 10 көннән соң сөзеп алырга һәм көнгә 3 тапкыр яртышар стакан эчәргә.

Сәламәт яшик, бәхетле булыйк, дуслар.

Автор фотосы.

Автор:Резида Валитова
Читайте нас: