+7 °С
Болытлы
VKOKTelegramБөек Җиңүгә - 80 ел
Барлык яңалыклар
10

Тозлый торган помидорны утыртырга вакыт...

Бу ялларда орлык чәчү өчен иң уңышлы көннәр булачак.

Тозлый торган помидорны утыртырга вакыт...
Тозлый торган помидорны утыртырга вакыт...

Ялларда орлык чәчәргә яисә үсентеләрне күчереп утыртырга җыенасызмы, дуслар? Андый уегыз булса, 8-9 мартта бу эшләрне җиң сызганып башкара аласыз. Үсеп килүче Ай бу көннәрдә Кысла йолдызлыгында булачак, димәк, орлык чәчү өчен иң уңышлы көннәр санала. Тозлый торган помидор, татлы борыч, чәчәк орлыклары чәчү һәм күчереп утырту өчен аеруча яхшы вакыт.

Тәҗрибәле бакчачылар орлыкны чәчәр алдыннан 15-20 минут марганцовкалы суда тотарга киңәш итә. Болай эшләгәндә помидорның, татлы борычның чирләргә каршы торучанлыгы арта, микроблары үлә. 

Үсентеләрне тәрәзә төбендә тәүлеккә 1-2 тапкыр борып куярга кирәк. Бу үсентеләр тигез һәм төз үссеннәр өчен эшләнә. Помидорга, борычка артык күп су сипсәң, туфрак бик нык йомшара һәм кибеп, катып калырга мөмкин. Суны, гомумән, үсентеләрнең төбе кипкәч кенә сибәргә кирәк. Күчереп утыртканда тамырның очын кисеп алу отышлы. Ул очракта тамыр аска түгел, кырыйга китәчәк.

 

Автор фотосы.

Автор:Зөлфия Фәтхетдинова
Читайте нас: