Карлыган куакларын корткычлардан саклыйбыз!

Быел кыш бик җылы булды, шуңа да җәйне бакчадагы уңышка һөжүм итүче корткычлар күп булыр, дип борчыла бакчачылар.
Корткычларга каршы кулланылган инсектицидлар, фунгицидлар, пестицидлар күп төрле, тик алар да күпчелек очракта авыруга каршы тора алмый. Җитмәсә, алар зыянлы да әле. Иң яхшысы, бакчадагы куакларны вакытында эшкәртеп калу.

Белгечләр билгеләвенчә,  куакларга һәм булачак уңышка зыяны булмаган бер яхшы ысул бар. Бәлки, күпләрегез аны кулланадыр да — куакларга, беренче чиратта,  карлыганга иртә яздан кайнар су кою. Кайнар су карлыган бөреләрендә кышлаган талпанны юк итә. Бу талпан бөредә яшеренеп, яз җитү белән бөре эчендәге яфракны ашый һәм уңышка зур зыян китерә.
Онлы чыкның башланган мәлендә кайнар суның ярдәме тия. Көннәр җылыну белән бу авыру тарала башлый, һәм чара күрелмәгән очракта, җәй уртасына куакны корытуы ихтимал. Бу авыруга карлыган һәм крыжовник аеруча тиз бирешә. Кайнар су куакның тамырына зыян китерер дип куркырга ярамый. Куакларны эшкәрткәндә, су температурасы 60 – 70 градус чамасы булырға тиеш. 80 градустан югарырак булса, су бетләрне генә түгел, бөреләрне дә үтерәчәк.

 Кайнар су белән эшкәрткәннән соң, куакта чәчәкле бөреләр саны да бермә-бер артачагын исегездән чыгармагыз.

Автор фотосы.