-6 °С
Кар
Барлык яңалыклар
Мең дә бер киңәш
11 декабрь , 16:15
Яман шеш үсешен биш тапкыр арттыра!
Табиб-онколог мондый гадәте булганнарга даими томография үтәргә киңәш итә.
Яман шеш үсешен биш тапкыр арттыра!
Кальян тарту чагыштырмача хәвефсез дигән фикергә карамастан, чынлыкта бу гадәт үпкә һәм башка органнарда онкология үсеше куркынычын биш тапкырга арттыра. Чынлыкта, бер тапкыр утырып кальян тарту кеше өчен 50-100 тәмәкедә булган күләмдә никотин алуга тиң, дип белдергән табиб-онколог, Санкт-Петербург фтизиопульмонология фәнни-тикшеренү институтының торакаль онкология бүлеге мөдире Андрей Нефедов “RT” басмасына.
Кальян тәмәкегә хәвефсез алмаш була ала дигән ышану — миф, дип аңлата табиб.
"Кешеләр кальян куркыныч түгел дип уйлый, чөнки сулаган төтен янәсе су аша фильтрлана. Чынлыкта, су тәмәкедән бүленеп чыгучы канцероген һәм токсин матдәләрне берничек тә тоткарламый”, — ди белгеч.
Кальян тартканда организмга зур күләмдә никотин керә, тәмәке тарткандагы кебек көн дәвамында һәм акрынлап түгел. Бу вакытта кан тамырлары һәм йөрәк югары йөкләнеш ала. Болар барысы да инсульт, инфаркт үсеше куркынычын арттыра, шулай ук репродуктив системага начар йогынты ясый, дип кисәтә Нефедов.
Моннан тыш, кальян тарту үпкә яман шеше үсеше куркынычын биш тапкырга арттыра, чөнки аның төтенендә 80нән артык агулы матдә бар. Алар арасында, мәсәлән, канцерогеннар, алар бер сеанс эчендә организмга йөзләгән тәмәке белән чагыштырырлык тискәре йогынты ясый. Бу агулы матдәләр үпкә күзәнәкләренең ДНКсын турыдан-туры зарарлый. Моннан тыш, алар авыз куышлыгына, бугазга, ашказанына, үңәчкә җитди зыян китерә. Алар акрынлап организмда җыела, шул исәптән бәвел юлында яман шеш китереп чыгарырга мөмкин.
Табиб-онколог озак еллар дәвамында кальян тартучыларга бер киңәш бирә: даими рәвештә түбән дозалы компьютер томографиясен узарга кирәк, бу онкологик авыру булган очракта аны иртә стадиядә ачыкларга мөмкинлек бирәчәк. Ә иң яхшысы — сәламәтлек өчен тәмәке тартуның теләсә нинди төреннән баш тартыгыз, дип сүзен йомгаклаган табиб.
Автор фотосы.
Новости партнеров