-16 °С
Болытлы
Барлык яңалыклар
Мең дә бер киңәш
17 гыйнвар , 09:25
Авыл хатын-кызлары ничә сәгать эшләргә тиеш?
– Ярты ел элек без гаиләм белән авылга күчендек. Белемем буенча мин финансист, кредит оешмасының район филиалына эшкә урнаштым. Хезмәт килешүен имзалаганда ук миңа стандарт 40 сәгатьлек эш атнасы билгеләнүенә игътибар иттем. Миңа әйтүләренчә, компаниядә авыл бүлекчәләрендә эшләүчеләр өчен кыскартылган эш атнасын кертергә кирәк дип санамыйлар, янәсе, без офиста утырабыз, шуңа күрә бу ташлама тиеш түгел. Бу закон бозу түгелмени?
Авыл хатын-кызлары ничә сәгать эшләргә тиеш?
– Авылда эшләүче хатын-кызлар өчен эш бирүче кыскартылган эш атнасы (36 сәгать) билгеләргә тиеш, ә хезмәт хакы 40 сәгатьтәге кебек саклана. Һәм монда һөнәр түгел, ә нәкъ менә яшәгән урын мөһим, бу Русия Хезмәт кодексының 263.1 мәддәсендә төгәл күрсәтелгән. Шундый ук гарантия ерак Төньяк районнарында яки аларга тиңләштерелгән җирлекләрдә эшләүче хатын-кызларга карата да гамәлдә.
Мондый хокук бозуга юл куйган эш бирүчегә шуны аңларга кирәк: авыл хезмәткәренә хокуксыз рәвештә 40 сәгатьлек эш атнасын билгеләгәндә дүрт сәгатьлек аерма, Русия Хезмәт кодексының 152 мәддәсе таләпләре нигезендә, өстәмә эш (беренче ике сәгатьтә ─– бер ярым, аннан соңгы сәгатьләрдә — икеләтә күләмдә) буларак түләнергә тиеш.
Шунысы да билгеле булсын, эш бирүче, шулай ук, авыл эшчеләренә (хатын-кызларга), хезмәт хакын сакламыйча, айга бер өстәмә ял көне бирергә тиеш. Әлеге гарантия шулай ук Хезмәт кодексында билгеләнгән.
Шунысы да билгеле булсын, эш бирүче, шулай ук, авыл эшчеләренә (хатын-кызларга), хезмәт хакын сакламыйча, айга бер өстәмә ял көне бирергә тиеш. Әлеге гарантия шулай ук Хезмәт кодексында билгеләнгән.
Фото: bash.news
Новости партнеров