+17 °С
Дождь
Мең дә бер киңәш
6 Июня , 03:10
Медицина тикшерүен кайчан узарга?
─ Минем эшем сменалы. Көндезгеләре төнгеләре белән чиратлаша, алардан соң ял көннәре килә. Аларга, гадәттә, барлык җыелган өй эшләрен планлаштырам, бигрәк тә хәзер, бакча сезоны башлангач. Тиздән без планлы медицина тикшерүе үтәргә тиеш, график китерделәр. Аның буенча табибларда тикшеренүне мин үземнең ял көннәремдә узарга тиеш булып чыга. Бу законлымы?
Медицина тикшерүен кайчан узарга?
─ Медицина тикшерүе узу (аның максаты – һөнәри авыруларны вакытында ачыклау) ─ хезмәт бурычы, шуңа күрә ул эш вакытында башкарылырга тиеш. Әгәр хезмәткәр моны үз ял көнендә эшләргә әзер икән, аның язма ризалыгын алырга кирәк, чөнки сүз, асылда, ял көнендә эшкә җәлеп итү турында барачак, бу икеләтә түләүне яки ял бирүне күздә тота. Әгәр хезмәткәр үзенең законлы ял көнен медицина тикшерүе үтүгә сарыф итәргә риза булмаса, аны беркем дә мәҗбүр итәргә хокуклы түгел. Эш вакытында медицина тикшерүе узу өчен акча уртача хезмәт хакыннан чыгып түләнә.
Шулай ук, медицина тикшерүе вакыты аны узу турында алдагы датадан чыгып билгеләнә. Әгәр бу агымдагы елның 1 апреле булса, киләсесе 2027 елның 1 апреленә кадәр булырга тиеш. Моны эш бирүче күзәтергә тиеш. Ул медицина тикшерүе үтү графигын раслый һәм аны хезмәткәрләргә алдан, кимендә ун эш көне эчендә җиткерә. Ял көнендә медицина тикшерүе тикшерүе узуны эш бирүче хезмәткәр ризалыгы белән генә планлаштырырга хокуклы.
Фото: башинформ.
