+10 °С
Ясно
Мең дә бер киңәш
28 Августа , 04:50
Бүләк итү килешүен гамәлдән чыгарырга иде
─ Мин бер туганыма бүләк итү килешүе эшләп куйган идем. Соңгы арада аның тәртибе миңа ошамый. Бу килешүне гамәлдән чыгарып буламы?
Бүләк итү килешүен гамәлдән чыгарырга иде
─ Бүләк итүне гамәлдән чыгару Русия Гражданнар кодексында билгеләнгән нигезләр буенча рөхсәт ителә. Аерым алганда:
– әгәр бүләк алган кеше бүләк бирүченең, аның гаилә әгъзаларының яки якын туганнарының гомеренә һөҗүм иткән, яки бүләк итүчегә аңлы рәвештә тән җәрәхәтләре ясаган булса;
– бүләк итүче өчен матди булмаган кыйммәткә ия бүләк белән эш итү аны кире кайтаралмаслык югалту куркынычы тудырса;
– әгәр бүләк итү шәхси эшкуар яки юридик берәмлек тарафыннан эшкуарлык эшчәнлегенә бәйле акчалар исәбеннән банкротлык турындагы законнарны бозып, аны банкротлык дип тануга кадәр алты ай эчендә башкарылган булса.
Моннан тыш, килешүнең үзендә бүләк бирүченең, әгәр бүләк алган кеше алдарак үлсә, бүләк итүне гамәлдән чыгару хокукы каралырга мөмкин.
