Русия йөзенә тап төшермәбез!

Билгеле булуынча, ШОС һәм БРИКС саммитларына әзерлек кысаларында мөһим объектлар төзү 1 майга тулысынча тәмамланырга тиеш.Халыкара бу чарага башкалабызга 10 меңнән артык кунак килүе көтелә. Аларны тиешле шартлар тудырылган яшәү урыннары белән тәэмин итү зарур. Бүген кунакханәләр төзү киң колач белән бара. 1 майга номерлар фонды 3700гә җитәчәк.

Кәрвансарай янында урнашкан Holiday inn кунакханәсендә дә эш кайный. Җиде катлы кунакханә берьюлы 200дән артык кешене кабул итә алачак. Бүген эчке эшләр тәмамланып килә. Кунакханә төзелешенең техник күзәтчелек бүлеге начальнигы Нәгыймулла Сәлимов сүзләренә караганда, биредә бары тик үзебездә җитештерелгән материаллар гына кулланыла.Төзелешнең иң кызган мәле булуына карамастан, экспозиция өчен өч бүлмә инде күптәннән әзер. Аларны күреп, киләчәктә кунакханәнең нинди күркәм һәм уңайлы икәнен күз алдына китерәсең. Физик мөмкинлекләре чикле кешеләр өчен дә барлык җайланмалар белән аерым бүлмәләр булачак. Лифт, бәдрәф һәм юыну бүлмәсе инвалидлар өчен махсус җиһазландырылган.
Октябрьнең 50 еллыгы урамында Матбугат йортына күрше урнашкан Hampton by Hilton кунакханәсе бинасының ал ягында эшләр тәмамланып килә. 6500 квадрат метрлы “Хилтон”да 200гә якын номер булачак. Биредәге фитнес-үзәк, лобби-бар, конференц-зона тәүлек әйләнәсенә эшләячәк.
Саммиттан республика халкына нинди мирас калыр? Беренчедән, Уфаның 29 урамына капиталь ремонт ясала. Моның өчен бюджеттан 4 миллиард сум акча бүленгән.
Саммитларга әзерлек кысаларында яңартылган мәдәни объектлар да беркемне дә битараф калдырмый. “Башкортостан” дәүләт концерт залында күпләр тамаша карап, бинаның сыйфатын югары бәяләде. 40 ел элек төзелгән бинаның торышы әллә ни начар түгел иде, монда акустиканы яхшырту максаты куелды. Хәзер зал тулысынча яңартылган, заманча электр һәм тавыш җиһазлары куелган. “Башкортостан” дәүләт концерт залы күпкырлы: монда театрлар гастрольләр белән дә килә, дөньякүләм билгеле сәхнә йолдызлары да чыгыш ясый ала.
М. Нестеров исемендәге Башкортстан дәүләт художество музее да танымаслык үзгәрә: яңа бина ерактан күзгә ташлана. Кыйммәтле һәм бай фонд өчен моңа кадәр иркен урын да, тиешле шартлар да юк иде. Ә хәзер монда картиналарны саклау өчен бер төрле температура һәм дымлылык тәэмин итүче, шулай ук, янгынга каршы автоматик система да бар.
Гамәлдә, әзерлек эшләре графикка ярашлы алып барыла. Саммитларны яхшы итеп үткәрәчәгебездә шик юк.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27