— Хәйдәр Арсланович, республика сайлау системасында быел нинди мөһим вакыйгалар булачак?
— Федераль һәм республика дәрәҗәсендәге сайлаулар булмаячак. Бердәм тавыш бирү көне агымдагы елда 13 сентябрьгә туры килә. Республиканың 53 районында 773 авыл биләмәсе Советына депутатлар сайланачак, 7 меңнән артык мандат тапшырылачак. Моннан тыш, сайлаулар Приютовода һәм Чишмәдә үтәчәк.
Сайлауларны оештыру һәм үткәрү белән территориаль сайлау комиссияләре шөгыльләнәчәк, чөнки аларга 2010 елда ук тиешле муниципаль берәмлекләрнең сайлау комиссиясе вәкаләтләре йөкләтелде.
Муниципаль берәмлекләрдә сайлауларны оештыру һәм үткәрүдән тыш, февраль-мартта безгә участок сайлау комиссияләре составы резервын тулыландырырга, ә ел ахырында территориаль сайлау комиссияләренең яңа составын булдырырга кирәк.
Участок сайлау комиссияләре резервына тәкъдимнәр кабул итү башланды да инде. Аны 2 февральдән 16 мартка кадәр территориаль комиссияләр гамәлгә ашыра. Сәяси партияләр, иҗтимагый берләшмәләр, шулай ук яшәү, эш, уку урыны буенча сайлаучылар җыелышы, муниципаль берәмлекләрнең вәкаләтле органнары үз кандидатураларын тәкъдим итә ала.
Резервны тулыландыруда, гадәттә, сәяси партияләр катнаша. Участок сайлау комиссияләре резервында якынча 23 мең кеше исәпләнә, аларның яртысыннан күбрәге сәяси партияләрнең төбәк бүлекчәләре тарафыннан тәкъдим ителә. Иң зур “запас” — “Бердәм Русия” партиясендә (6 меңнән артык кеше) һәм Русия Федерациясенең Коммунистлар партиясендә (якынча 2 мең кеше). Алардан тыш, резервта тагын 12 сәяси партия вәкилләре бар.
Ел территориаль сайлау комиссияләренең яңа составын булдыру белән тәмамланачак. Безнең фикер буенча, территориаль сайлау комиссиясенә кандидатура күрсәтүче субъектларга бүгеннән үк алар тәкъдим иткән әгъзаларның комиссиянең гамәлдәге составындагы эшен анализлау зарур. Яше, белеме, сайлау комиссияләрендә эшләү тәҗрибәсе, командада эшли белүе буенча кандидатураларны сайлап алу критерийларын алдан уйлау мөһим.