+22 °С
Яңгыр
Гәзиткә язылуVKOKTelegram
Барлык яңалыклар
Сәясәт
10 сентябрь 2015, 21:11

Константин Толкачевның абруе үсә

“Медиалогия” мәгълүмат-аналитика системасы тикшеренүләре буенча, Дәүләт җыелышы-Корылтай Рәисе Константин Толкачев Русия субъектларының закон чыгаручы органнары башлыклары арасында төзелгән август медиарейтингында 11нче урынны били.

Республика парламенты Рәисе 11нче баскычка 28 позицияне үтеп күтәрелгән. Киңкүләм мәгълүмат чаралары Константин Толкачев катнашлыгында үткән 153 вакыйга турында хәбәр иткән, аның медиаиндексы — 393,03.
Рейтингның иң югары баскычында Татарстанның Дәүләт Советы рәисе Фәрид Мөхәммәтшин һәм Севастопольдән Алексей Чалый.

Медиарейтингны төзү чорында анда Русия субъектларының гамәлдәге закон чыгару органнары башлыклары кергән. Ул “Медиалогия” системасының 26500 тирәсе чыганакны (телевидение, радио, гәзит-журналлар, мәгълүмат агентлыклары, интернет басмалары) үз эченә алган киңкүләм мәгълүмат чаралары базасы нигезендә төзелгән.
Читайте нас: