Чит илдә дә танытабыз, үзебездә дә җыябыз

ШОС һәм БРИКС илләре белән хезмәттәшлек яңа үсеш этабына чыга.Башкортстан Шанхай хезмәттәшлек оешмасы дәүләтләренең власть органнары, бизнес вәкилләре белән көннән-көн тирәнрәк бәйләнешләр урнаштырып, алар арасында киңрәк танылу ала бара. Шушы көннәрдә Башкортстан делегациясенең Кытайга эш сәфәре кысаларында ШОС илләренең андагы зур презентацияләү мәйданында безнең республиканың икътисади потенциалы тәкъдим ителде. Евразия икътисади форумы кысаларында Кытайның Шэньси провинциясендәге Сиань шәһәрендә оештырылган күргәзмә эшендә Шанхай хезмәттәшлек оешмасы әгъзасы, диалог буенча партнер һәм күзәтүче булган 15 дәүләт вәкилләре катнашты. Чарада сәүдә-икътисади хезмәттәшлекнең һәм аны финанслауның, шул исәптән Ефәк юлы банкы, Азиянең инфраструктура инвестицияләре банкы төзү аша, өстенлекле юнәлешләре тикшерелде. Күргәзмәдә Русия предприятиеләренең заманча технологияләр һәм эшләнмәләр өлкәсендә казанышлары күрсәтелде.

Башкортстан экспозициясен исә күргәзмәдә өч меңнән артык кеше караган. Шул исәптән Башкортстанның икътисади куәте белән Кытай Халык Республикасының Дәүләт Советы әгъзасы Вань Юн, Шэньси провинциясенең Партия комитеты секретаре урынбасары Ху Хэпин, Сиань шәһәре мэры Дун Цзюнь, Шанхай хезмәттәшлек оешмасының генеральный секретаре Дмитрий Мезенцев танышкан. Чара кысаларында шулай ук Русиянең Сәнәгать һәм сәүдә министрлыгы һәм Шанхай хезмәттәшлек оешмасы секретариаты башлангычы белән Русия стратегик сессиясе үткән. Ул Русиянең 2014-15 елларда Шанхай хезмәттәшлек оешмасында рәислек итүе кысаларында ШОС илләре арасында сәүдә-икътисади хезмәттәшлекне үстерү мәсьәләләренә багышланган. Анда шулай ук Башкортстанның икътисади һәм инфраструктура куәте турында доклад белән республика Хөкүмәте Премьер-министры урынбасары Дмитрий Шаронов чыгыш ясаган. Үз чиратында Дмитрий Мезенцев Башкортстанның презентациясен югары бәһаләп, республиканың Шанхай хезмәттәшлек оешмасы илләренең төбәкләре белән хезмәттәшлек тәҗрибәсен үрнәк итеп куйган.
“Русия-ШОС: энергетика интеграциясе юлында”, “ШОС илләре дәүләтләре икътисади киңлегендә инвестиция проектларын финанслау һәм хезмәтләндерү механизмнарын тормышка ашыру” дигән темаларга тармак панель сессияләре дә Башкортстанның ШОС илләре белән хезмәттәшлеген үстерүдә мөһим башлангычлар белән билгеләнгән. Аларда ШОСның эшлекле советының Русиядәге рәисе урынбасары, республика Сәүдә-сәнәгать палатасы вице-президенты Азат Фазлыев, Башкортстанның Үсеш корпорациясе генеральный директоры Артем Киреев, Нефть-химия эшкәртү институты директоры Эльшад Теләшев чыгыш ясаган. Чыгышларда ШОС киңлегендә проектларны финанслауның нәтиҗәле инструментларын эзләү, республиканың инвестицион потенциалы һәм нефть-химия тармагының мөмкинлекләренә кагылышлы мәсьәләләр үзәккә чыгарылган.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27