+21 °С
Болытлы
Сәясәт
5 сентябрь 2019, 03:39
Көзге сессиядә ниләр көтелә?
Башкортстан Дәүләт җыелышы-Корылтай Рәисе Константин Толкачев даими нигездә эшләүче депутатлар белән үткәргән киңәшмәдә республика парламентының көзге сессиягә эш планы һәм төп бурычлары билгеләнде. Сессия программасына 40лап закон проекты кертелгән.
Башкортстан Дәүләт җыелышы-Корылтай Рәисе Константин Толкачев даими нигездә эшләүче депутатлар белән үткәргән киңәшмәдә республика парламентының көзге сессиягә эш планы һәм төп бурычлары билгеләнде. Сессия программасына 40лап закон проекты кертелгән.
– Көзге сессиядә депутатлар корпусының төп бурычы 2020 елга республика бюджеты турындагы закон проектын карау һәм кабул итү булыр, мөгаен, – диде Константин Борисович.
Дәүләт җыелышы-Корылтай федераль дәрәҗәдәге парламент белән уңышлы уртак эш алып бара. Көзен Русия Дәүләт думасында Башкортстанның презентациясен үткәрү көтелә. Моннан тыш, Дәүләт җыелышы-Корылтай федераль законнарны камилләштерүгә юнәлтелгән башлангычларны әзерләүне дәвам итәчәк.
Парламент Рәисе билгеләп үткәнчә, законнарны камилләштерү белән беррәттән, депутатлар көзге сессиядә кабул ителгән законнарның үтәлешен контрольдә тотуга да зур игътибар бирәчәк.
Фәнүз ХӘБИБУЛЛИН.
