+21 °С
Болытлы
Сәясәт
29 октябрь 2019, 13:50
Олег Полстовалов - Мәдәни мирас объектларын дәүләт саклавы буенча идарә начальнигы
Башкортстан Башлыгы Радий Хәбиров боерыгы белән Олег Полстовалов Башкортстанның Мәдәни мирас объектларын дәүләт саклавы буенча идарә начальнигы итеп тәгаенләнде.
Башкортстан Башлыгы Радий Хәбиров боерыгы белән Олег Полстовалов Башкортстанның Мәдәни мирас объектларын дәүләт саклавы буенча идарә начальнигы итеп тәгаенләнде.
Республика Башлыгының икенче боерыгы белән Илһам Фаткуллин әлеге вазыйфадан бушатылды.
Олег Владимирович Полстовалов 1974 елның 8 сентябрендә Уфада туган. “Хокук белеме” белгечлеге буенча Башкорт дәүләт университетын тәмамлаган. Юридик фәннәр докторы.
Хезмәт эшчәнлеген 1996 елда Башкорт дәүләт университетының криминалистика һәм суд экспертизалары кафедрасы преподавателе стажеры булып башлый.
2000-02 елларда – Башкорт дәүләт университетының криминалистика кафедрасы ассистенты, өлкән преподавателе, доценты, 2002-05 елларда – шунда ук Хокук институты директоры урынбасары, директорның беренче урынбасары, 2005-08 елларда – шунда ук директор вазыйфасын башкаручы, директоры, 2008-11 елларда – шунда ук криминалистика кафедрасы доценты, профессоры, 2011-2012 елларда – шунда ук Халыкара хокук һәм мөнәсәбәтләр кафедрасы мөдире вазыйфасын башкаручы, криминалистика кафедрасы преподавателе, 2012-14 елларда – Башкортстан Президенты каршындагы Дәүләт хезмәте һәм идарә академиясенең дәүләт һәм административ хокук кафедрасы профессоры, җинаять хокукы, процесс һәм криминалистика кафедрасы мөдире, 2014-17 елларда – Башкорт дәүләт университетының криминалистика кафедрасы профессоры, 2017-18 елларда – Мәскәү өлкәсе Красногорск шәһәре хакимиятенең хокук идарәсе начальнигы, 2018-19 елларда – Башкортстанның җир һәм милек мөнәсәбәтләре министры вазыйфасын башкаручы булып эшләде.
Башкортстанның атказанган юристы.
