+21 °С
Болытлы
Сәясәт
13 февраль 2020, 10:30
Назарбаев сәяси сыену урыны сорый
Казахстанның беренче Президенты Нурсолтан Назарбаевның оныгы Айсолтан Назарбаев Бөекбританиядә сәяси сыену урыны сораган.
Казахстанның беренче Президенты Нурсолтан Назарбаевның оныгы Айсолтан Назарбаев Бөекбританиядә сәяси сыену урыны сораган.
Бу хакта ул Facebook сәхифәсендә хәбәр итә.
Казахстанның элекке лидерының оныгы үз карарын гаиләсе ягыннан басым ясау белән аңлата. Ул үзенең «Русия һәм Казахстан хөкүмәтләре арасында зур күләмле коррупция турында» мәгълүматка ия булуын әйтә. Шул ук вакытта кече Назарбаев, бу эшнең бөтен нечкәлекләрен якын арада бастырылачак Times басмасына биргән интервьюсында сөйләдем, дип билгеләп үтә.
Казахстанның элекке лидерының оныгы үз карарын гаиләсе ягыннан басым ясау белән аңлата. Ул үзенең «Русия һәм Казахстан хөкүмәтләре арасында зур күләмле коррупция турында» мәгълүматка ия булуын әйтә. Шул ук вакытта кече Назарбаев, бу эшнең бөтен нечкәлекләрен якын арада бастырылачак Times басмасына биргән интервьюсында сөйләдем, дип билгеләп үтә.
Элегрәк Айсолтан Назарбаев аны үтерергә теләүләрен белдергән иде. Ул инглиз дәваханәсендә, төрмәдә утыруын һәм туганнары белән проблемалары булуын сөйләде.
2019 елның июлендә Лондонда Айсолтан констебльне тешләгән, соңгысы аңа үз-үзен үтерергә комачауларга омтылган. Казахстанның беренче Президентының 30 яшьлек оныгы 140 сәгать җәмәгать эшләренә хөкем ителде. Шулай ук, аны берничә мең фунт стерлинг штраф түләргә һәм наркотикларга бәйлелектән дәваланырга мәҗбүр иттеләр.
Аның әтисе Рәхәт Алиев 2008 елга кадәр Назарбаевның кызы Дарига белән никахта булган. 2015 елда ул Австрия төрмәсендә үлә, анда ул "Нурбанк"ның ике топ-менеджерын үтерүдә гаепләнеп эләгә.
Фото: lenta.ru
