+21 °С
Болытлы
Сәясәт
2 июль 2020, 09:35
Башкортстан халкының тавыш бирүдә бердәмлеге - башка төбәкләр өчен үрнәк
Дәүләт җыелышы-Корылтай Рәисе Константин Толкачев Конституциягә төзәтмәләр буенча тавыш бирүдә Башкортстанда сайлаучылар санының югары дәрәҗәдә булуын шәрехләде.
Дәүләт җыелышы-Корылтай Рәисе Константин Толкачев Конституциягә төзәтмәләр буенча тавыш бирүдә Башкортстанда сайлаучылар санының югары дәрәҗәдә булуын шәрехләде.
- Республикада күрсәтелгән 90 проценттан артыграк сайлаучыларның килүе илнең башка күп кенә төбәкләре өчен үрнәк булырга мөмкин, - дип саный Константин Толкачев. - Һәм бу хәтта сәяси активлык түгел, ә тәкъдим ителгән төзәтмәләрнең озак вакытка илнең үсеш юлын билгеләячәген аңлаучы республика халкының элементар аңлылыгы мисалы, тулаем дәүләтнең абстракт язмышына гына түгел, аларның үз язмышларына, балаларының язмышларына да кагылачагын аңлавы. Коронавирус пандемиясен һәм җәйге дача-отпуск сезонын исәпкә алып, мондый югары килүне алдан ук беркем дә фаразлый алмас иде. Шул ук вакытта активлык пигы нәкъ менә тавыш бирүнең соңгы көненә туры килде. Алдагы көндә мин республиканың берничә районында сайлау участокларын йөреп чыктым һәм сайлаучыларның никадәр актив тавыш бирергә баруына шәхсән инандым.
Парламент спикеры республикада авыл халкы гына түгел, шәһәрнең дә тавыш бирүдә югары дәрәҗәдә актив булуын билгеләп үтте.
- Традиция буенча азрак активлык белән аерылып торган шәһәр электораты бу юлы шулай ук теләсә кайсы гадәти тавыш бирү күрсәткечләреннән шактый югары булган килүне күрсәтте, - диде Константин Толкачев. - Бу төбәкнең берләшүен күрсәтә. Тавыш бирү нәтиҗәсе уңай - сайлаучыларның 88 проценттан артыгы төзәтмәләрне хуплады. Шул ук вакытта, әлбәттә, һәр тавыш биргән кешенең сайлавын хөрмәт итәргә кирәк.
Фото: “Башинформ”.
