+21 °С
Болытлы
Сәясәт
29 октябрь 2020, 14:25
"Җирләрне бүлү эшчәнлеге үтәкүренмәле булачак"
Бүген республикада мөһим закон проекты кабул ителде.
Бүген республикада мөһим закон проекты кабул ителде.
Дәүләт җыелышы-Корылтай тарафыннан “Башкортстан Республикасының аерым закон актларына үзгәрешләр кертү турында” закон проектының икенче укылышына төзәтмәләр әзерләнде. Закон проекты дәүләт хакимияте органнары белән урындагы үзидарә органнары арасында дәүләт милке чикләнмәгән җирләрне бүлеп бирү өлешендә вәкаләтләрне яңадан бүлүгә юнәлтелгән.
- Закон проектының беренче укылышта карауга кертелүе депутатлар арасында җитди фикер алышу һәм җәмәгатьчелектә аңлашылмаучанлык тудырган иде, - ди Дәүләт җыелышы-Корылтай Рәисе Константин Толкачев. - Прокуратурада сораулар туды. Үзара килештерелгән позицияне булдыру һәм закон проектын икенче укылышка әзерләү өчен парламентта республика Хөкүмәте, Прокуратура, иҗтимагый оешмалар вәкилләре белән очрашулар уздырылды, муниципалитетларның тәкъдимнәре җыелды. Үткәрелгән эш нәтиҗәсендә килешенгән пакет формалаштырылды. Константин Борисович сүзләренчә, төзәтмәләр муниципалитетларның җир белән идарә итүдә ролен көчәйтүгә юнәлтелгән.
- Әзерлекле төзәтмәләр нигезендә, җирне бүлү урындагы үзидарә органнары тарафыннан расланучы җирдән файдалану һәм төзелеш кагыйдәләрен исәпкә алып башкарылачак, - дип хәбәр итте Константин Толкачев. - Муниципаль контроль урындагы хакимият органнарының өстенлеге булып калачак. Закон биш ел гамәлдә булачак. Бу чорда җирне хуҗалык әйләнешенә кертүдән икътисади файда алу өчен җир белән эш итүнең нәтиҗәле системасы төзелергә тиеш. Закон проектына төзәтмәләрне республиканың барлык муниципаль берәмлекләре дә хуплады. Төзәтмәләр канунны гамәлгә ашыру механизмына ачыклык кертә. Хәзерге вакытта бездә җир белән идарә итүнең аңлаешлы системасы юк, аның милек хокукы чикләнмәгән. Барлык карарларны муниципалитетлар аерым-аерым кабул итә. Прокуратураның бу уңайдан еш кына гадел сораулары туа. Закон кабул ителгәннән соң бу категориядәге җирләрне бүлеп бирү системасы үтәкүренмәле һәм аңлаешлы булырга тиеш.
Аерым муниципалитетлар алып бара торган бөтен эш Җир һәм милек мөнәсәбәтләре министрлыгында тупланачак, шул исәптән аның муниципаль районнарда һәм шәһәр округларында төзелгән барлык территориаль бүлекчәләрен дә кертеп. Нәтиҗәдә, "бердәм тәрәзә" принцибы буенча җир кишәрлекләрен үзәкләштерелгән бүлү системасы булдырылачак. Шул рәвешле, закон гражданнарга һәм юридик берәмлекләргә тиешле хезмәт күрсәтүнең сыйфатын, шулай ук төбәктә инвестицион климатны яхшыртуга юнәлтелгән.
Фото:mkset.ru
