+24 °С
Яңгыр
Сәясәт
29 октябрь 2020, 18:10
"Яңа закон - коррупция белән көрәш ул"
Җир бүлүгә кагылышлы яңа закон бик күп мәсьәләләрне хәл итәчәк.
Җир бүлүгә кагылышлы яңа закон бик күп мәсьәләләрне хәл итәчәк.
Республикада җир мөнәсәбәтләрен җайга салу өлешендә вәкаләтләрне аерып билгеләү турында яңа закон кабул ителү белән республика шәһәрләрендә һәм районнарында буш яткан җирләрне "тарату" буенча коррупцион чылбыр өзелде. Шулай итеп, Радий Хәбиров муниципаль "бай"ларны Башкортстанда җир калҗасыннан аерды. Мондый фикерне Гомумрусия халык фронтының Башкортстандагы төбәк штабы рәистәше Шамил Вәлиев белдерде.
"Сер түгел, бигрәк тә эре шәһәрләрдә һәм аларга якын районнарда булган кыйммәтле җирләрне хакимият башлыклары, аларның урынбасарлары аша арзан бәягә төзелеш өчен сатып алу мәсьәләләре бик шикле хәл ителә иде. Яңа закон кабул ителгәннән соң мондый схемалар юкка чыгачак. Бу әлеге схемаларда паразитлык иткән төзүчеләргә бер дә ошамый, чөнки алар үзләренең лоббист мөмкинлекләрен югалтты. Шуңа күрә алар халык протестларын сурәтләгән кешеләрне яллыйлар, законны кабул итүгә каршы петицияләр астында имзалар җыялар. Әлбәттә, бу халык протесты түгел, бу "протест белдерүчеләрнең" үз-үзләрен тотышыннан күренә. Аларның бердәнбер максаты - ризасызлык белдерү, гауга чыгару. Коррупция схемаларын Радий Хәбиров җимерде. Һәм дөрес эшләде! "- диде Вәлиев.
Искәртеп узабыз: бүген депутатлар республикада җир белән эш итүнең яңа кагыйдәләре турында закон кабул итте. Сүз милек хокукы чикләнмәгән участоклар турында бара. Элек алар белән урындагы хакимиятләр эш иткән, яңа закон буенча бу вәкаләтләр республика дәрәҗәсенә (Җир һәм милек министрлыгына) тапшырыла. Шунысын да билгеләп үтәргә кирәк: «милекнең чикләнмәгән хокукы» категориясенә республикадагы җирләрнең 90 процентына кадәр мәйдан эләгә (федераль урман фонды җирләрен исәпкә алмаганда).
Фото: bashinform.ru
